అంతరిక్షంలోకి మరో శ్రీమంతుడు ప్రవేశించబోతున్నారు. అమెజాన్ అధినేత జెఫ్ బెజోస్ రోదసియాత్రకు రంగం సిద్ధమైంది. స్వీయ సంస్థ 'బ్లూ ఆరిజిన్'కు చెందిన 'న్యూ షెపర్డ్‌' వ్యోమనౌకలో ఆయన మంగళవారం నింగిలోకి పయనమవుతున్నారు. రోదసి పర్యాటకాన్ని ప్రోత్సాహించే దిశగా ఈ యాత్ర సాగుతుంది. బుడిబుడి అడుగులు వేస్తున్న ఈ రంగానికి సంబంధించి ఈ నెలలోనే ఇది రెండో పెద్ద ఘట్టం! చంద్రుడిపై మానవుడు తొలిసారిగా కాలుమోపిన రోజును (జులై 20) ఈ చరిత్రాత్మక యాత్ర కోసం బెజోస్ ఎంచుకున్నారు. ఆయన వెంట ప్రపంచంలోనే అత్యంత పెద్ద, చిన్న వయసు వ్యోమగాములు కూడా ఉంటారు.
ఇదీ చూడండి:భారత తొలి అంతరిక్ష యాత్రికుడిగా రికార్డ్!
రోదసియానం విషయంలో బిలియనీర్ల మధ్య పోటీ నెలకొన్న వేళ.. 'వర్జిన్‌ గెలాక్టిక్‌' సంస్థ వ్యవస్థాపకుడు రిచర్డ్ బ్రాన్సన్‌ ఇటీవలే విజయవంతంగా ఈ యాత్ర పూర్తి చేశారు. నిజానికి రోదసియానం చేసే ఉద్దేశం తొలుత ఆయనకు లేదు. బెజోస్ తన యాత్ర గురించి ప్రకటన చేయగానే బ్రాన్సన్‌ ఈ నిర్ణయం తీసుకున్నారు. వ్యాపార ప్రత్యర్థి కన్నా ముందుండేందుకు ఈ నెల 11న యాత్ర చేపట్టారు. తద్వారా.. స్వీయ వ్యోమనౌకలో రోదసిలోకి వెళ్లొచ్చిన తొలి బిలియనీరుగా ఆయన గుర్తింపు పొందారు. ఈ నేపథ్యంలో బెజోస్ యాత్ర నిర్వహిస్తున్నారు.
అంతకుమించి..
సబ్‌ఆర్బిటల్‌ యాత్రల విషయంలో ప్రత్యర్థి సంస్థ కన్నా ఒక మెట్టు పైన ఉండేలా 'న్యూ షెపర్డ్‌' యాత్ర సాగనుంది. బ్రాన్సన్‌ సంస్థకు చెందిన యూనిటీ-22 వ్యోమనౌక.. నేల నుంచి సుమారు 88 కిలోమీటర్ల ఎత్తుకు చేరుకుంది. కాగా, బెజోస్ వ్యోమనౌక మాత్రం 106 కిలోమీటర్ల ఎత్తుకు వెళుతుంది. భూవాతావరణం దాటాక అంతరిక్షం ఎక్కడ మొదలవుతుందన్నదానిపై నిర్దిష్ట నిర్వచనమేమీ లేదు. అమెరికా ప్రమాణాల ప్రకారం చూస్తే 80 కిలోమీటర్ల ఎత్తులో అది మొదలవుతుంది. దీన్ని ప్రామాణికంగా చేసుకొని బ్రాన్సన్‌ 88 కిలోమీటర్ల ఎత్తులోకి వెళ్లొచ్చారు. అయితే ఫెడరేషన్‌ ఏరోనాటిక్‌ ఇంటర్నేషనల్‌ (ఎఫ్‌ఏఐ) మాత్రం 100 కిలోమీటర్ల ఎత్తు తర్వాత అంతరిక్షం మొదలవుతుందని నిర్వచించింది. ఈ నేపథ్యంలో తమ అంతరిక్షయాత్రపై ఎలాంటి సందిగ్ధతకు తావులేకుండా చూసేందుకు 100 కిలోమీటర్లను దాటి వెళ్లనున్నట్లు బ్లూ ఆరిజిన్ పేర్కొంది. 'న్యూ షెపర్డ్‌' పూర్తిగా స్వయంచోదిత వ్యోమనౌక. అందువల్ల పైలట్ల అవసరం ఉండదు.
ఇదీ చూడండి:Space tour: 'బెజోస్తో అంతరిక్ష యాత్ర ఊహించలేదు'
ఎడారి నుంచి యాత్ర మొదలు..