వైరల్ వీడియో: నీటి తొట్టిలో ఎలుగుబంటి ఆటలు

కరోనా నేపథ్యంలో అమెరికాలోని పలు జంతు ప్రదర్శనశాలలను మూసివేయగా.. అక్కడి జంతువులు స్వేచ్ఛాజీవనం గడుపుతున్నాయి. ఇలా సరదాగా ఆడుతూ.. నీటితొట్టిలో సేదదీరుతున్న ఓ ఎలుగుబంటి చూపరులకు ఆకర్షిస్తోంది.

అమెరికా మోంటానాలోని జంతు ప్రదర్శనశాలలో ఓ ఎలుగుబంటి నీటితొట్టిలో సేదదీరుతూ చూపరులను ఆకట్టుకుంటోంది. కరోనా నేపథ్యంలో.. పర్యటకులు లేక వెలవెలబోతున్న 'ఒరెగావ్​ జూ'లో తకోడా అనే ఎలుగుబంటికి ఇలా నీటిలో ఆడే అవకాశం దక్కింది. అక్కడి సంరక్షకులు.. సుమారు 300 గాలన్​ సామర్థ్యం గల టబ్​లో నీటిని నింపి, అందులో తకోడా సంబంధిత బొమ్మలను ఉంచారు. అంతే.. ఈ భల్లూకం నీటిలోకి దిగి చక్కర్లు కొట్టింది. గంతులేస్తూ సరదా సరదాగా గడిపింది.

సరిగ్గా పదేళ్ల క్రితం మొంటానా ప్రాంతంలో ఆకలితో అలమటించి బక్కచిక్కిపోయి ఉన్న తకోడాను.. సంరక్షించిన అధికారులు జంతు ప్రదర్శనశాలకు తీసుకువచ్చారు. అదే ఇప్పుడిలా ఆడుతూ కనిపించింది. కరోనా లాక్​డౌన్​ నేపథ్యంలో ఒరెగావ్​ జూ కొంతకాలంగా మూతపడి ఉంది.

ఇదీ చదవండి:ఆ దేశ పార్లమెంట్​ సమావేశం​.. పోర్నోగ్రఫీతో హ్యాక్​!