హెచ్-4 వీసాదారుల పని చేసే హక్కులను కాపాడేందుకు ప్రతినిధుల సభలో కాలిఫోర్నియా చట్టసభ్యులిద్దరు బిల్లు ప్రవేశపెట్టారు. వీసాదారుల్లో అధికంగా భారతీయ అమెరికన్ మహిళలున్నారు.
ఈ నెలలో హెచ్-4 వీసాదారుల జీవిత భాగస్వాములకు ఉద్యోగం చేసే హక్కును తొలగిస్తామని అమెరికా హోం శాఖ(డీహెచ్ఎస్) ప్రకటించిన కొన్నాళ్లకే ప్రతినిధుల సభలో ఈ బిల్లును ప్రవేశపెట్టారు.
హెచ్1బీ వీసాపై అమెరికాలో ఉంటున్నవారి జీవితభాగస్వాములు ఉద్యోగం చేసేందుకు హెచ్4-ఈఏడీ నిబంధనతో అనుమతి లభిస్తుంది. వీరిలో అధికంగా భారత్కు చెందిన మహిళలే ఉంటారు. వీరందరు ఎంతో నైపుణ్యమున్న వృత్తినిపుణులు. డిహెచ్ఎస్ ప్రస్తుత నిబంధనలతో లక్ష మందికిపైగా ఉద్యోగులకు పని చేసే హక్కు లభించింది.
ఎందరో హెచ్-4 వీసాదారులు గ్రీన్కార్డు కోసం ఎదురుచూస్తున్నారు. అయినప్పటికీ వీసాదారులు తమకు ఇష్టమైన ఉద్యోగాలు చేసేందుకు ప్రస్తుతం ఉన్న డీహెచ్ఎస్ నిబంధనలు అనుమతిస్తున్నాయి. కానీ వీటిని మార్చడానికి చర్యలు చేపడుతున్నట్టు ట్రంప్ ప్రభుత్వం ఇటీవలే ప్రకటించింది.
ఇదీ చూడండి- WC19: భారత కెప్టెన్ విరాట్ కోహ్లీకి అరుదైన గౌరవం
