అమెరికా అధ్యక్షుడు జో బైడెన్.. తొలి విదేశీ పర్యటన ఖరారైంది. జూన్ 11-14 మధ్య రెండు దేశాల్లో పర్యటించనున్నారని శ్వేతసౌధం వెల్లడించింది. 11 నుంచి 13 వరకు బ్రిటన్లోని కార్న్వాల్లో జరగబోయే జీ-7 సదస్సుకు ఆయన హాజరు కానున్నట్లు ప్రకటించింది. ఆ తర్వాత జూన్ 14న యూరోప్లోని బ్రుస్సెల్స్లో అమెరికా భాగస్వామ్య కూటమి నాటో దేశాధినేతలతో సమావేశం కానున్నారు.
బైడెన్ తొలి విదేశీ పర్యటన ఖరారు
అమెరికా అధ్యక్ష పదవి చేపట్టిన తర్వాత తొలిసారి విదేశీ పర్యటన చేయనున్నారు జో బైడెన్. జూన్ 11న బ్రిటన్లోని కార్న్వాల్లో జరగబోయే జీ-7 సదస్సుకు ఆయన హాజరు కానున్నారు. తర్వాత యూరోప్లో పర్యటించనున్నారు.
జో బైడెన్
అమెరికా మాజీ అధ్యక్షుడు డొనాల్డ్ ట్రంప్.. తన మొదటి విదేశీ పర్యటనలో భాగంగా రియాద్, సౌదీ అరెబియాలో పర్యటించారు. అయితే బైడెన్ మాత్రం.. మిత్రపక్ష దేశాలతో సంబంధాలను పునరుద్ధరించేందుకు .. మొదటి విదేశీ పర్యటనను అగ్రరాజ్య భాగస్వామ్య దేశాల్లోనే చేయనున్నారు.
ఇదీ చదవండి :కొవిడ్పై పోరులో భారత్కు సాయం చేస్తాం: చైనా