Tiktok: చైనా యాప్​పై నిషేధం ఎత్తివేత!

చైనాకు చెందిన టిక్​టాక్​, విచాట్​ యాప్​లపై విధించిన నిషేధాన్ని అమెరికా అధ్యక్షుడు జో బైడెన్ ఎత్తివేశారు. ఈ మేరకు కార్యనిర్వాహక ఉత్తర్వులపై ఆయన సంతకం చేశారు.

అమెరికా మాజీ అధ్యక్షుడు డొనాల్డ్ ట్రంప్​ హయాంలో చైనా యాప్​లైన టిక్​టాక్​, విచాట్​పై విధించిన నిషేధాన్ని ప్రస్తుత అధ్యక్షుడు జో బైడెన్​ ఎత్తివేశారు. ఈ మేరకు కార్యనిర్వాహక ఆదేశాలపై ఆయన సంతకం చేశారు. అదే సమయంలో.. సమాచార భద్రత కోసం 'యూఎస్​ ఇన్​ఫర్మేషన్​ అండ్​ కమ్యూనికేషన్​ టెక్నాలజీ అండ్​ సర్వీసెస్​ సప్లై చైన్​'పై కార్యనిర్వాహక ఉత్తర్వులపై కూడా ఆయన సంతకం చేశారు.

"టిక్​టాక్​, విచాట్​ సహా 8 ఇతర సాఫ్ట్​వేర్​లపై ఉన్న నిషేధాన్ని ఎత్తివేస్తూ అధ్యక్షుడు బైడెన్​ మూడు కార్యనిర్వాహక ఉత్తర్వు(ఈఓ)లపై సంతకం చేశారు."

-శ్వేతసౌధం

గతేడాది ట్రంప్​.. టిక్​టాక్​, విచాట్​ వంటి చైనా యాప్​లను అమెరికా యాప్​స్టోర్​ నుంచి తొలిగించేలా ఉత్తర్వులు జారీ చేశారు. ఆయా సంస్థలు తమ కార్యకలాపాలు అమెరికాలో నిర్వహించకుండా నిషేధం విధించారు.

మరోవైపు.. అమెరికా పెట్టుబడులు పొందకుండా 59 చైనా సైనిక, నిఘా సంస్థలపై బైడెన్ ప్రభుత్వం ఈ వారం ప్రారంభంలో నిషేధం విధించింది. వీటిలో 44 కంపెనీలపై ట్రంప్​ ఇదివరకే నిషేధం విధించారు.

ఇదీ చూడండి:టిక్ టాక్​ ఫౌండర్​ ఝాంగ్ సంచలన నిర్ణయం

ఇదీ చూడండి:92 దేశాలకు 50 కోట్ల టీకా డోసులు: అమెరికా