నవంబర్ 3న జరగనున్న అమెరికా అధ్యక్ష ఎన్నికల్లో జో బైడెన్కు విజయావకాశాలు ఎక్కువగా ఉన్నట్లు ప్రముఖ అంతర్జాతీయ వార్తా సంస్థ 'ద హిల్' పేర్కొంది. అధ్యక్షుడు డొనాల్డ్ ట్రంప్ కంటే బైడెన్ 12 పాయింట్ల ఆధిక్యంలో ఉన్నట్లు తెలిపింది.
సీఎన్ఎన్ నిర్వహించిన సర్వేలో రిపబ్లిక్ అభ్యర్థి ట్రంప్ వైపు 42 శాతం మంది అమెరికన్లు మొగ్గు చూపగా... డెమొక్రటిక్ పార్టీ అభ్యర్థి బైడెన్కు మాత్రం 54 శాతం మంది ఓట్లు జై కొట్టారని 'ద హిల్' కథనం ప్రచురించింది.
గత ఎన్నికల్లో హిల్లరీ క్లింటన్కు వచ్చిన మద్దతు కంటే ఇప్పుడు బైడెన్కు లభించిందే ఎక్కువని స్పష్టం చేసింది. ఏడాది నుంచి సీఎన్ఎన్ చేపట్టిన సర్వేలన్నీ బైడెన్కే అనుకూలంగా ఉన్నాయని గుర్తుచేసింది.
సర్వేలోని కీలకాంశాలు:
- మహిళా ఓటర్లలో 61 శాతం మంది బైడెన్కు ఓటు వేయనున్నారు.
- అమెరికాలోని నల్లజాతీయులందరూ బైడెన్కే గంపగుత్తగా ఓట్లు వేయనున్నారు.
- మగవారిలో ట్రంప్ కన్నా బైడెన్కే ఎక్కువ మంది ఓటు వేయనున్నారు.
- శ్వేత జాతీయ పురుషుల్లో ట్రంప్ హవా నడుస్తోంది.
- ఎప్పుడూ రిపబ్లికన్ పార్టీకి మద్దతుగా నిలిచే వృద్ధులు ఈసారి బైడెన్కే ఓటు వేసే అవకాశం.
ఇదీ చూడండి: అమెరికా ముందస్తు గోల- పోస్టల్‌ బ్యాలెట్లపై కోర్టుల్లో యుద్ధం
