బైడెన్​ 'శ్వేతసౌధం డిజిటల్​ బృందం'లో కశ్మీరీ

అమెరికా అధ్యక్ష ఎన్నికల విజేత జో బైడెన్.. శ్వేతసౌధానికి​ ప్రకటించిన ఆఫీస్​ ఆఫ్​ డిజిటల్​ స్ట్రాటజీ బృందంలో కశ్మీర్​కు చెందిన ఈషా షా కీలక పదవి దక్కించుకున్నారు. ఆమెను పార్ట్నర్​షిప్స్​ మేనేజర్​గా నియమించారు బైడెన్​.

శ్వేతసౌధానికి సంబంధించిన 'ఆఫీస్​ ఆఫ్​ డిజిటల్​ స్ట్రాటజీ'కి తన బృందాన్ని ప్రకటించారు అమెరికా అధ్యక్ష ఎన్నికల విజేత జో బైడెన్​. ఇందులో భారత సంతతి ఈషా షాకు సీనియర్​ పదవి దక్కింది.

ఈషా కశ్మీర్​లో జన్మించారు. లూసియానాలో పెరిగారు. డిజిటల్​ బృందంలో షాను 'పార్ట్నర్​​షిప్స్​ మేనేజర్​'గా నియమించారు బైడెన్​. అధ్యక్ష ఎన్నికల సమయంలో బైడెన్​-హారిస్​ ప్రచారాలకు కూడా షా ఇదే బాధ్యతలు నిర్వర్తించారు. ప్రస్తుతం ఆమె స్మిత్​సోనియన్​ విశ్వవిద్యాలయంలో అడ్వాన్సడ్​ స్పెషలిస్ట్​గా పని చేస్తున్నారు.

ఈ డిజిటల్​ బృందానికి రాబ్​ ఫ్లాహెర్టి నేతృత్వం వహించనున్నారు. మిగిలిన వారిలో బ్రెండన్​ కోహెన్​(ప్లాట్​ఫార్మ్​ మేనేజర్​), మహా గాండోర్​(డిజిటల్​ పార్ట్నర్​​షిప్స్​ మేనేజర్​) తదితరులు ఉన్నారు. బైడెన్​ అధికార బదిలీ యంత్రాంగం ఈ వివరాలను వెల్లడించింది.

ఇదీ చూడండి:-పట్టు వీడిన ట్రంప్- కొవిడ్ ప్యాకేజీపై సంతకం