అమెరికా మాజీ అధ్యక్షుడు డొనాల్డ్ ట్రంప్ హయాంలో జరిగిన తాలిబన్ ఒప్పందంపై బైడెన్ ప్రభుత్వం కీలక ప్రకటన చేసింది. ఒప్పందాన్ని సమీక్షించనున్నట్టు వెల్లడించింది. అఫ్గానిస్థాన్లో తాలిబన్ల కార్యకలాపాలను పరిశీలించి ఒప్పందంపై తుది నిర్ణయం తీసుకుంటామని తెలిపింది. ఈ మేరకు ఇరు దేశాల జాతీయ భద్రత సలహాదారులు చర్చలు జరిపారు. ఈ విషయంపై అమెరికా జాతీయ భద్రత మండలి ప్రతినిధి ఎమిలీ హోర్న్ వివరణ ఇచ్చారు. అఫ్గాన్ ప్రభుత్వం, తాలిబన్ల మధ్య చర్చలు ఫలించేలా అమెరికా కృషి చేసేందుకు సిద్ధంగా ఉందన్నారు.
తాలిబన్ ఒప్పందంపై అమెరికా యూటర్న్!
అఫ్గానిస్థాన్ నుంచి సైన్యం ఉపసంహరణపై అగ్రరాజ్యం కీలక ప్రకటన చేసింది. తాలిబన్ల కార్యకలాపాలను గమనించాకే ఈ చర్యపై తుది నిర్ణయం తీసుకుంటామని స్పష్టం చేసింది.
తాలిబన్ ఒప్పందంపై అమెరికా యూటర్న్!
గతేడాది ఫిబ్రవరిలో అమెరికా తాలిబన్ల మధ్య ఒప్పందం జరిగింది. అఫ్గాన్లో తాలిబన్లు హింసకు పాల్పడకుండా ఉంటే తమ సైన్యాన్ని ఉపసంహరించుకుంటామని అగ్రరాజ్యం పేర్కొంది. ఈ ప్రకారం ఇప్పటికే అమెరికా చర్యలు చేపడుతోంది. తాజాగా వెల్లడైన ప్రకటనతో.. ఉపసంహరణ తాత్కాలికంగా నిలిపివేసే అవకాశం ఉంది. అమెరికాతో ఒప్పందం జరిగి ఏడాది అయినా తాలిబన్ల దాడులు కొనసాగుతున్నాయి.
ఇదీ చదవండి :భారత్ ఓ నిజమైన మిత్ర దేశం: అమెరికా