ప్రపంచవ్యాప్తంగా కరోనా కేసులు అంతకంతకూ పెరిగిపోతున్నాయి. పలు దేశాల్లో వైరస్ మళ్లీ విజృంభిస్తోంది.
ఆస్ట్రేలియాలో 3 నెలల్లో కనిష్ఠ కేసులు నమోదు
ప్రపంచ దేశాలపై కరోనా ప్రతాపం కొనసాగుతోంది. మొత్తం కేసులు 3 కోట్ల 10 లక్షలు దాటాయి. మరణాల సంఖ్య 9 లక్షల 62 వేలను అధిగమించింది. అయితే రికవరీలు 2 కోట్ల 26 లక్షలు దాటడం ఊరట కలిగించే అంశం. ఆస్ట్రేలియాలో 3 నెలల్లో ఇవాళే కనిష్ఠ కేసులు నమోదయ్యాయి.
ఆస్ట్రేలియాలో 3 నెలల్లో కనిష్ఠ కేసులు నమోదు
రష్యాలో రోజూ 6 వేలకుపైగా కేసులు నమోదవుతున్నాయి. ఆదివారం ఒక్కరోజే 6 వేల 148 మంది వైరస్ బారినపడ్డారు. మరో 79 మంది మరణించారు. మొత్తం కేసులు 10 లక్షల 3 వేలు దాటాయి. మరణాల సంఖ్య 20 వేలకు చేరువైంది.
- మెక్సికోలో 5 వేల 167 కొత్త కేసులు.. 455 మరణాలు వెలుగుచూశాయి.
- అర్జెంటీనా, ఇరాన్, ఇండోనేసియాలో రోజూ 3 వేలకుపైగా కేసులు, 100కు పైగా మరణాలు నమోదవుతున్నాయి.
- సింగపూర్లో మరో 18 మందికి కరోనా సోకింది. దేశంలో ఇప్పటివరకు 27 మంది మరణించారు.
- నేపాల్లో ఒక్కరోజే 1,325 కొత్త కేసులు బయటపడ్డాయి. మొత్తం కేసుల సంఖ్య 64 వేలు దాటింది. మరో 10 మంది చనిపోయారు. మొత్తం మరణాల సంఖ్య 411కు చేరింది.
- ఆస్ట్రేలియాలో ఆదివారం 19 కరోనా కేసులు నమోదయ్యాయి. గత 3 నెలల్లో ఇదే అత్యల్పం కావడం విశేషం. దేశంలో ఎక్కువ కేసులు విక్టోరియాలోనే ఉంటున్నాయి.