అమెరికాలో ఆస్ట్రాజెనికా టీకా ప్రయోగాలు మళ్లీ షురూ

ఆస్ట్రాజెనికా టీకా క్లినికల్​ ట్రయల్స్​ను తిరిగి ప్రారంభించేందుకు అమెరికా ఎఫ్​డీఏ అనుమతినిచ్చింది. ఈ విషయాన్ని ఆ సంస్థ ఓ ప్రకటనలో తెలిపింది.

అమెరికాలో ఆస్ట్రాజెనికా- ఆక్స్​ఫర్డ్​​​ టీకా(ఏజెడ్​డీ1222) క్లినికల్​ ట్రయల్స్​ తిరిగి ప్రారంభమయ్యాయి. అగ్రరాజ్య ఎఫ్​డీఏ(ఫుడ్​ అండ్​ డ్రగ్​ అడ్మినిస్ట్రేషన్​) అనుమతుల అనంతరం చర్యలు చేపట్టినట్టు ఆస్ట్రాజెనికా సంస్థ ప్రకటించింది.

"కొన్ని వారాల ముందు ఆస్ట్రాజెనికా టీకా ప్రయోగాలను ప్రపంచవ్యాప్తంగా పునరుద్ధరించాం. తాజాగా.. అమెరికాలో టీకా పరీక్షలకు ఎఫ్​డీఏ అనుమతులిచ్చింది. భద్రతా డేటాను సమీక్షించిన అనంతరం.. టీకా ప్రయోగాలను పునఃప్రారంభించడమే సురక్షితమని తేలిన తర్వాతే అనుమతినిచ్చింది."

--- ఆస్ట్రాజెనికా ప్రకటన.

వ్యాక్సిన్​ తీసుకున్న ఓ వలంటీర్​ అస్వస్థతకు గురైన నేపథ్యంలో గత నెల 3న ప్రపంచవ్యాప్తంగా టీకా ప్రయోగాలకు బ్రేక్​ పడింది. సమస్యను పరిశీలించిన ఆక్స్​ఫర్డ్​.. ఆ వ్యక్తిలో తలెత్తిన అనారోగం.. టీకా వల్ల అయ్యుండకపోవచ్చని తెలిపింది. అనంతరం ప్రపంచవ్యాప్తంగా టీకా ప్రయోగాలు మళ్లీ షురూ అయ్యాయి.

ఇదీ చూడండి:-'ఆ వలంటీర్​ ఆస్ట్రాజెనికా టీకా వల్ల చనిపోలేదు'!