బిల్​క్లింటన్​కు అనారోగ్యం- ఆస్పత్రికి తరలింపు

అమెరికా మాజీ అధ్యక్షుడు బిల్‌క్లింటన్‌ ఆస్పత్రిలో చేరారు. అనారోగ్యంతో బాధపడుతున్న 75ఏళ్ల ఆయన.. కాలిఫోర్నియాలోని ఆస్పత్రిలో చేరినట్లు ఓ అధికారి వెల్లడించారు.

అమెరికా మాజీ అధ్యక్షుడు బిల్ క్లింటన్ అస్వస్థతతో ఆస్పత్రిలో చేరారు. 75ఏళ్ల క్లింటన్.. కాలిఫోర్నియా యూనివర్సిటీ ఇర్విన్ మెడికల్ సెంటర్‌లో మంగళవారం చేరారని వ్యక్తిగత సిబ్బంది ఏంజెల్ యురేనా తెలిపారు. అయితే ఆయనకు కొవిడ్ సంబంధిత ఇన్‌ఫెక్షన్లు ఏమీ సోకలేదని స్పష్టం చేశారు.

"ప్రస్తుతం క్లింటన్ బాగానే ఉన్నారు. ఆయనకు చికిత్స అందించిన వైద్యులు, నర్సులు, ఇతర సిబ్బందికి కృతజ్ఞతలు"

-యురేనా, క్లింటన్ వ్యక్తిగత సిబ్బంది

క్లింటన్ చికిత్సకు స్పందిస్తున్నట్లు వైద్యులు వెల్లడించారు. న్యూయర్క్​లోని ప్రత్యేక వైద్య బృందం ఎప్పటికప్పుడు చికిత్స అందిస్తున్నట్లు పేర్కొన్నారు. ఆయన ఆరోగ్యం మెరుగవుతున్నట్లు తెలుస్తోంది.

ఇవీ చదవండి: