మెక్సికోలో కాల్పుల కలకలం.. ఐదుగురు మృతి
అమెరికాలో మరోసారి తుపాకీ గుళ్లు రక్తం పారించాయి. న్యూ మెక్సికో నగరంలో పలుచోట్ల దుండగులు జరిపిన కాల్పుల్లో ఐదుగురు మరణించగా, మరో ఆరుగురు గాయపడ్డారు. ఈ భయంకరమైన ఘటనతో ఆల్బూకర్క్ ప్రాంత ప్రజలు తీవ్ర భయాందోళనలకు గురయ్యారు.
ఆల్బూకర్క్ ప్రాంతంలోని వివిధ చోట్ల 90 నిమిషాల వ్యవధిలో ఈ కాల్పులు జరిగాయి. ఈ ఘటనలపై పోలీసులు దర్యాప్తు ముమ్మరం చేశారు. అయితే ఇప్పటి వరకు కాల్పులకు కారణం తెలియరాలేదు. ఎవరినీ అరెస్టు చేయలేదు.
దుండగుల చర్య అత్యంత భయంకరమైనదని మేయర్ టిమ్ కెల్లర్ వ్యాఖ్యానించారు. నేరాలను అరికట్టేందుకు చర్యలు చేపడతామని ఆయన పేర్కొన్నారు.