కమలా హారిస్​ వెళ్లిన ఎయిర్​బేస్​ వద్ద సాయుధుడి కలకలం!

Joint Base Andrews: అమెరికాలోని వైమానిక స్థావరం జాయింట్​ బేస్​ ఆండ్రూస్​లో ఓ సాయుధుడు కలకలం సృష్టించాడు. ఉపాధ్యక్షురాలు కమలా హారిస్​ ప్రయాణిస్తున్న విమానం అక్కడి నుంచి టేకాఫ్​ అయిన కొద్దిసేపటికే ఈ ఘటన జరగటం గమనార్హం.

Joint Base Andrews: అమెరికాలోని అధ్యక్షుడు సహా ఉన్నతాధికారులకు సేవలు అందించే వైమానిక స్థావరం.. జాయింట్​ బేస్​ ఆండ్రూస్​ వద్ద భద్రతా కారణాల వల్ల లాక్​డౌన్​ విధించారు అధికారులు. ఎయిర్​బేస్​ వద్ద గుర్తుతెలియని ఓ సాయుధుడిని అధికారులు గుర్తించారు. ఉపాధ్యక్షురాలు కమలా హారిస్​.. ఆమె భర్త డౌగ్​ ఎంహోఫ్​తో కలిసి అక్కడి నుంచి నావల్​ అబ్జర్వేటరీకి ప్రయాణమైన కొద్ది సేపటికే ఈ ఘటన జరిగింది.

కమలా హారిస్ వెంట వచ్చిన కేబినెట్​ సెక్రటరీలను కూడా​ ఘటనాస్థలం నుంచి సురక్షిత ప్రాంతాలకు తరలించినట్లు అధికారులు వెల్లడించారు. 'జాయింట్​ బేస్​ ఆండ్రూస్​ వద్ద ఏం జరుగుతోంది అనే విషయంపై ఎలాంటి స్పష్టత లేదు. దీనిపై అధికారిక ప్రకటన రావాల్సి ఉంది. ఘటనాస్థలంలో ఓ సాయుధుడిని గుర్తించామని.. అయితే ఎలాంటి కాల్పులు జరగలేదని మా వాహనాన్ని తనిఖీ చేసిన భద్రతా సిబ్బంది చెప్పారు' అని శ్వేతసౌధం సిబ్బంది వెల్లడించారు. ఈ ఘటనపై అధికారులు దర్యాప్తు చేపడుతున్నారు.

ఇదీ చూడండి :ఆగని బాంబుల మోత.. ఉక్రెయిన్​ను కమ్మేస్తున్న రష్యా సేనలు