తెలంగాణ

telangana

ETV Bharat / international

మెక్సికో బార్​లో సాయుధుడి విధ్వంసం.. 11 మంది మృతి - మెక్సికో బార్ షూటింగ్

మెక్సికోలోని ఓ బార్​లో దుండగుడు విధ్వంసం సృష్టించాడు. తుపాకీతో విచక్షణా రహితంగా కాల్పులకు తెగబడ్డాడు. ఈ ఘటనలో 11 మంది ప్రాణాలు కోల్పోయారు. వారిలో నలుగురు మహిళలు ఉన్నారు. వీరంతా బార్​లో డ్యాన్సర్లుగా పనిచేస్తున్నారని స్థానిక మీడియా తెలిపింది.

11 killed in bar shooting in Mexico's most violent state
మెక్సికో బార్​లో సాయుధుడి విధ్వంసం.. 11 మంది మృతి

By

Published : Sep 28, 2020, 7:31 AM IST

మెక్సికోలోనే అత్యంత హింసాత్మక రాష్ట్రం గయానాజువాటోలో తూపాకీ కాల్పుల మోత మోగింది. జరల్ డెల్​ ప్రొగ్రెసో పట్ణణంలోని ఓ బార్​లో దుండగుడు దారుణానికి తెగబడ్డాడు. బార్​లో కనిపించిన వారందరిపై తూటాల వర్షం కురిపించాడు. ఈ ఘటనలో 11మంది మరణించారు. బార్​లో డ్యాన్స్ చేసే నలుగురు మహిళలు కూడా వీరిలో ఉన్నారు.

సాయుధుడు ఏ ఉద్దేశంతో దాడికి పాల్పడ్డాడనే విషయంపై అధికారులు ఇంకా అంచనాకు రాలేదు. ఈ కిరాతకం వెనుక డ్రగ్ ముఠా హస్తం ఉన్నట్లు అనుమానిస్తున్నారు.

గయానాజువాటో రాష్ట్రం మెక్సికోలో హింసకు మారుపేరు. ఇక్కడ తరచూ హత్యలు, నేరాలు జరుగుతూనే ఉంటాయి. పరిస్థితిని అదుపులోకి తెచ్చేందుకు స్థానిక ముఠా నాయకుడ్ని పోలీసులు ఇటీవలే నిర్భంధించారు. అయినా నేరాలు తగ్గడం లేదు. ఈ రాష్ట్రంలో జులైలో 403 హత్యలు జరగగా.. ఆగస్టులో 339కి తగ్గాయి.

ఇదీ చూడండి: ఆ రెండు దేశాల మధ్య యుద్ధ మేఘాలు.. 16 మంది మృతి!

ABOUT THE AUTHOR

...view details