2021 ఫిబ్రవరి చివరి నాటికి 10 కోట్ల మంది ప్రజలకు కరోనా వ్యాక్సిన్ అందిస్తామని అమెరికాలో కరోనా వ్యాక్సిన్ అభివృద్ధికి ఏర్పాటు చేసిన 'ఆపరేషన్ వార్ప్ స్పీడ్' ప్రధాన సలహాదారుడు మోన్సెఫ్ స్లాయీ పేర్కొన్నారు. వైరస్ ముప్పు అధికంగా ఉన్న జనాభాకు ముందుగా టీకా ఇవ్వనున్నట్లు చెప్పారు. డిసెంబర్ 10 లేదా 11 నాటికి కనీసం ఒక్క టీకాకైనా అత్యవసర వినియోగానికి అనుమతులు లభిస్తాయని అంచనా వేశారు.
జాన్సన్ అండ్ జాన్సన్ తయారు చేస్తున్న టీకాపై ఆశలు పెట్టుకున్నట్లు చెప్పారు మోన్సెఫ్. జాన్సన్ సింగిల్ డోసు టీకా వల్ల ప్రయోజనాలు అధికంగా ఉన్నాయని తెలిపారు.