నైజీరియాలో ఘోర ప్రమాదం జరిగింది. రాజధాని అబుజాలోని విమానాశ్రయానికి సమీపంలో ఓ సైనిక విమానం కూలిపోయింది. ఈ దుర్ఘటనలో విమానంలోని ఏడుగురు ప్రాణాలు కోల్పోయారు.
అబుజా విమానాశ్రయం నుంచి కింగ్ ఎయిర్-350 విమానం మిన్నా నగరానికి వెళ్లేందుకు బయలుదేరింది. గాల్లోకి ఎగిరిన కొద్ది సేపటికే దాని ఇంజిన్లో సమస్య తలెత్తింది. దాంతో విమానాన్ని వెనక్కి మళ్లించిన క్రమంలో ప్రమాదం జరిగినట్లు నైజీరియా వైమానిక దళ ప్రతినిధి ఇబికున్లే దరమోలా తెలిపారు. విమాన ప్రమాదంలో అందులోని మొత్తం మంది మరణించినట్లు ట్వీట్ చేశారు. మరోవైపు.. ఈ ఘటనపై సైన్యం దర్యాప్తు చేపట్టునుందని విమానయాన మంత్రి హాది సిరికా తెలిపారు.