కరోనాతో ఎస్వాతీనీ దేశ ప్రధాని మృతి

06:17 December 14

కరోనాతో ఎస్వాతీనీ దేశ ప్రధాని మృతి

ఆఫ్రికా దేశం ఎస్వాతీనీ ప్రధానమంత్రి ఆంబ్రోస్ మాండ్వులో డ్లామిని(52) మరణించారు. నాలుగు వారాల క్రితం కరోనా బారినపడిన ఆయన.. దక్షిణాఫ్రికాలోని ఓ ఆస్పత్రిలో చికిత్స పొందుతూ తుదిశ్వాస విడిచినట్లు ఎస్వాతీనీ ఉప ప్రధాని థెంబా మసుకు అధికారిక ప్రకటనలో తెలిపారు.

కరోనాకు మెరుగైన చికిత్స నిమిత్తం డిసెంబర్ 1న ఆంబ్రోస్​ను దక్షిణాఫ్రికాకు తరలించారు. అప్పుడు ఆయన ఆరోగ్యం నిలకడగా ఉందని, చికిత్సకు బాగా స్పందిస్తున్నారని థెంబా తెలిపారు. కానీ పరిస్థితి విషమించి ఆదివారం అర్ధరాత్రి ఆంబ్రోస్ మరణించారు.

2018 నవంబర్​లో  ఎస్వాతీనీ ప్రధానిగా నియమితులయ్యారు ఆంబ్రోస్. అంతకు ముందు బ్యాంకింగ్ రంగంలో 18 ఏళ్ల పాటు సేవలందించి కీలక పదవీ బాధ్యతలు చేపట్టారు.

ఎస్వాతీనీ దేశ జనాభా దాదాపు 12లక్షలు. అక్కడ ఇప్పటివరకు 6,768 కరోనా కేసులు నమోదయ్యాయి. 127మంది ప్రాణాలు కోల్పోయారు.