హోటల్​పై ఉగ్రవాదుల దాడి..10 మంది మృతి

సోమాలియా రాజధాని మొగదిషులో ప్రముఖ హోటల్​పై దాడికి తెగబడ్డారు ఉగ్రవాదులు. ఈ ఘటనలో 10 మంది ప్రాణాలు కోల్పోగా.. 20మందికిపైగా గాయపడినట్లు అక్కడి పోలీసులు తెలిపారు. హోటల్​ గేట్లను బాంబుతో పేల్చి ముష్కరులు లోనికి చొరబడినట్లు వెల్లడించారు.

సోమాలియాలో ఉగ్రవాదులు దారుణానికి ఒడిగట్టారు. రాజధాని మొగధిషులో బీచ్ పక్కన ఉన్న ప్రముఖ ఎలైట్​ హోటల్​పై దాడికి తెగబెడ్డారు. సెక్యూరిటీ గేట్లను బాంబులతో ధ్వంసం చేసి లోనికి చొరబడ్డారు. ప్రశాంతంగా బస చేస్తున్న అమాయకులపై తూటాల వర్షం కురిపించారు. ఈ ఘటనలో 10 మంది ప్రాణాలు కోల్పోయినట్లు సోమాలియా పోలీసులు తెలిపారు. కనీసం 20మందికి పైగా గాయపడినట్లు పేర్కొన్నారు. మృతి చెందిన వారిలో యువకులు, మహిళలు ఉన్నట్లు పేర్కొన్నారు.

గత కొద్ది నెలలుగా ప్రశాంతంగా ఉన్న సోమాలియాలో ఈ ఘటనతో మళ్లీ అశాంతి నెలకొంది. హోటల్​పై దాడికి తామే పాల్పడినట్లు ఇస్లామిక్ అతివాద​ రెబల్స్​, అల్​ఖైదా అనుబంధ అల్​-శబాబ్​ ప్రకటించింది.