Yash Ravi Teja News : టాలీవుడ్ మాస్ మహారాజా రవితేజపై కన్నడ రాకింగ్ స్టార్ యశ్ అభిమానులు హర్ట్ అవుతున్నారు. ఆయనపై అసంతృప్తి వ్యక్తం చేస్తున్నారు. ఇంతకీ ఫ్యాన్స్ హర్ట్ అయ్యే రేంజ్లో రవితేజ యశ్ గురించి ఏమన్నారు? అనేది తెలుసుకుందాం. వివరాల్లోకి వెళ్తే.. రవితేజ ప్రస్తుతం 'టైగర్ నాగేశ్వరరావు' మూవీ ప్రమోషన్స్లో ఫుల్ బిజీగా ఉన్నారు. నార్త్లోనూ జోరుగా ప్రమోషన్స్ చేస్తున్నారు. ఎందుకంటే రవితేజకు కెరీర్లోనే ఇది తొలి పాన్ ఇండియా చిత్రమిది. ఈ క్రమంలోనే బాలీవుడ్లో వరుస ఇంటర్వ్యూలు ఇస్తూ రవితేజ బిజీగా గడుపుతున్నారు.
ఈ క్రమంలోనే తాజాగా ఓ బాలీవుడ్ మీడియా ఇంటర్వ్యూలో రవితేజ పాల్గొని.. కొంతమంది సౌత్ సూపర్ స్టార్స్ గురించి తన అభిప్రాయాన్ని వ్యక్తం చేశారు. తనదైన శైలిలో సమాధానాలు ఇచ్చారు. ఈ క్రమంలోనే రామ్ చరణ్ డాన్స్ అంటే తనకు చాలా ఇష్టమని, అతను చాలా మంచి డాన్సర్ అని అన్నారు.ప్రభాస్ డార్లింగ్ అని, రాజమౌళిలో విజన్ అంటే ఇష్టమని చెప్పారు. కన్నడ హీరో యశ్ గురించి చెప్పమని అడగగా.. "కేజియఫ్ చిత్రం మాత్రమే తాను చూశానని, అతడికి కేజీయఫ్ లాంటి సినిమా పడటం లక్కీ అని" రవితేజ అన్నారు. అయితే ఈ కామెంట్స్ యశ్ ఫ్యాన్స్కు నచ్చలేదు. దీంతో నెట్టింట రవితేజపై యశ్ ఫ్యాన్స్ అసంతృప్తి వ్యక్తం చేస్తున్నారు.