Vyjayanthimala Dance Video : భళా బామ్మ.. 90 ఏళ్ల వయసులో సీనియర్​ నటి భరతనాట్యం.. గ్రేస్ అస్సలు తగ్గలే!

Vyjayanthimala Dance Video : స్టార్​ హీరోయిన్​, సీనియర్ నటి వైజయంతిమాల.. తొంభై ఏళ్ల వయసులోనూ తన గ్రేస్​ ఏ మాత్రం తగ్గలేదని నిరూపించారు. తాజాగా ఆమె 90వ బర్త్​డే సెలబ్రేషన్స్​లో భరతనాట్యం చేసి అందరి చేత ఔరా అనిపించారు. ఆ వీడియోను మీరు కూడా చూసేయండి మరి..

Vyjayanthimala Dance Video : ఆరు పదుల వయసులో చాలా మంది తమ నైపుణ్యాలను ప్రదర్శిస్తూ కుర్రకారుకు ఇన్​స్పిరేషన్​గా నిలుస్తున్నారు. వాళ్లు చేసే పనులను చూస్తుంటే.. వయసు అనేది కేవలం ఓ నెంబర్​ మాత్రమే అనేలా ఉంటాయి. అలా ప్రముఖ నటి వైజయంతిమాల చేసిన ఓ పని ఇప్పుడు అభిమానులను, నెటిజన్లను షాక్​కు గురి చేస్తోంది. ఏకంగా 90 ఏళ్ల వయసులో ఆమె డ్యాన్స్​ చేసి అలరించింది.

ఇటీవలే తన 90వ పుట్టినరోజును సందర్భంగా చెన్నైలోని నివాసంలో వైజయంతిమాల బర్త్​డే సెలబ్రేషన్స్ చేసుకున్నారు. ఈ పార్టీలో ఆమె భరతనాట్యం చేసి వైజయంతిమాల అందరిని అబ్బురపరిచారు. వన్నె తరగని అందంతో తొమ్మిది పదుల వయసులోనూ మెరిసిపోతున్న ఆమె..నాట్యంలోని భంగిమలను అలవోకగా పెట్టి అందరి చేత ఔరా అనిపించారు. ఆ వీడియోను చూస్తే ఆమెకు 90 ఏళ్లు అని ఎవరూ అనుకోరు. అంతలా గ్రేస్​ చూపించారు వైజయంతిమాల.

Vyjayanthimala Movies :ఇక వైజయంతిమాల కెరీర్ విషయానికి వస్తే..​ నాగిన్, దేవదాస్, సాధన, సర్గం గంగా జమున లాంటి హిట్​ సినిమాల్లో నటించిన ఆమె.. 1950ల్లో టాప్ హీరోయిన్​గా మంచి గుర్తింపుపొందారు. 1949లో విడుదలైన 'వాల్​కై' అనే తమిళ చిత్రంతో సినీ తెరంగేట్రం చేసిన వైజయంతిమాల.. పదమూడేళ్ల వయసులోనే సినిమాల్లోకి ఎంట్రీ ఇచ్చి అందరిని ఆశ్చర్యపరిచారు. ఆ తర్వాత 'బహార్‌' అనే హిందీ చిత్రంతో బాలీవుడ్​కు షిఫ్ట్​ అయ్యారు. అనంతరం వరుస సినిమాలతో బిజీగా ఉన్న ఈ స్టార్​కు.. 1954లో విడుదలైన 'నాగిన్' సినిమా బ్రేక్​ ఇచ్చింది. ఈ సినిమా విజయంతో ఆమె స్టార్​డం ఇంతకింత పెరిగిపోయింది. 1968లో పద్మశ్రీని అందుకున్న వైజయంతిమాల.. 1965 తర్వాత సినిమాలకు బ్రేక్​ ఇచ్చి అప్పటి నుంచే ఫ్యామిలీమెంబర్స్​తో టైమ్​ స్పెండ్​ చేస్తున్నారు. ఇక వైజయంతిమాల ఆర్టిస్ట్​గానే కాకుండా గోల్ఫ్ ప్లేయర్​గా, రాజకీయ నాయకురాలిగా, క్లాసికల్ డ్యాన్సర్​గా మంచి గుర్తింపు సంపాదించుకున్నారు.1989లో తమిళనాడు ఎన్నికల్లో పాల్గొని రాజ్యసభకు ఎన్నికయ్యారు. ఆ తర్వాత 1999లో ఓ పార్టీలో చేరి అక్కడ కూడా తమ నాయకత్వ ప్రతిభను చూపిస్తూ ముందుకు సాగారు.