vishwak sen vs11 title glimpse : దినేశ్‌ నాయుడు అంటే చాలా మందికి తెలీదు కానీ కానీ విశ్వక్ సేన్ అంటే టక్కున గుర్తుపడతారు. యూత్‌ఫుల్‌, లవ్‌, కమర్షియల్‌ చిత్రాలతో మాస్ కా దాస్‌గా ప్రేక్షకులకు చేరువైన ఆయన.. ఈ మధ్యనే దాస్ కా దమ్కీ చిత్రంతో ఆడియెన్స్ను పలకరించారు. ఇప్పుడు కృష్ణ చైతన్య దర్శకత్వంలో ఓ చిత్రం చేస్తున్నారు. సూర్యదేవర నాగవంశీ, సాయి సౌజన్య సంయుక్తంగా సినిమాను నిర్మిస్తున్నారు. ఇప్పటికే రిలీజైన ఫస్ట్‌లుక్‌ కూడా బాగా ఆకట్టుకుంది. అందులో విశ్వక్.. ఎన్టీఆర్‌ పెయింటింగ్‌ వేసి ఉన్న గోడ ముందు మాస్ లుక్‌తో నుంచోని కనిపించారు.
తాజాగా మూవీటీమ్ సినిమా టైటిల్ పోస్టర్ అండ్ గ్లింప్స్ను రిలీజ్ చేసింది. ఇందులో విశ్వక్సేన్ గోదావరి బ్రిడ్జి కింది నదిలో పడవ వేసుకుని వెళ్తూ కనిపించారు. ఓ నలుగురుని వెంట వేసుకుని కత్తులు పట్టుకుని.. మాస్ లుక్లో ఉన్నారు. సినిమాకు 'గ్యాంగ్స్ ఆఫ్ గోదావరి' అనే టైటిల్ను ఖరారు చేశారు. ఇక గ్లింప్స్ కూడా ఎంతో పవర్ ఫుల్గా చూపించారు. 'అన్నాయ్ మేం గోదారోళ్లాం. మాటోటే సాగదీస్తాం. తేడా వస్తే నవ్వూతూ నరాలు లాగేస్తాం' అంటూ పవర్ఫుల్ వార్నింగ్ ఇస్తూ కనిపించారు విశ్వక్.
Srikanth Nayattu remake పవర్ఫుల్గా మోషన్ పోస్టర్..సీనియర్ నటుడు శ్రీకాంత్‌.. ప్రస్తుతం విలన్గా, క్యారెక్టర్ ఆర్టిస్ట్గా కెరీర్లో వరుస సినిమాలు చేస్తున్నారు. ఇప్పుడాయన ప్రముఖ నిర్మాణ సంస్థ గీతా ఆర్ట్స్‌ బ్యానర్పై హీరోగా మలయాళ సూపర్ హిట్ 'నయట్టు' రీమేక్‌ చిత్రం రూపొందుతోంది. ఈ చిత్రానికి 'కోట బొమ్మాళి' అనే టైటిల్ను ఖరారు చేసింది మూవీటీమ్. ఓ మోషన్ పోస్టర్ను కూడా విడుదల చేస్తూ స్పెషల్ వీడియోను రిలీజ్ చేసింది. 'పరారీలో ఉన్న కోట బొమ్మాళి పోలీసులు' అంటూ ప్రారంభమైన ఈ ప్రచార చిత్రం ఆసక్తిరేపుతోంది. తేజ మార్ని దర్శకత్వం వహిస్తున్నారు. ఈ సినిమాలో వరలక్ష్మి శరత్‌కుమార్‌, రాహుల్‌ విజయ్‌, శివాని రాజశేఖర్‌ ఇతర ప్రధాన పాత్రలు పోషిస్తున్నారు.