యూనివర్సల్ స్టార్ కమల్హాసన్ హీరోగా నటించిన చిత్రం 'విక్రమ్'. యువ దర్శకుడు లోకేశ్ కనకరాజ్ దర్శకత్వంలో తెరకెక్కిన ఈ సినిమాకు అన్ని భాషల్లోనూ మంచి రెస్పాన్స్ వస్తోంది. కమల్, విజయ్ సేతుపతి, ఫహద్ ఫాజిల్ నటన, సూర్య కేమియో, అనిరుధ్ నేపథ్యసంగీతం.. కనకరాజ్ దర్శకత్వం ప్రేక్షకులకు కట్టిపడేశాయి. ఈ నేపథ్యంలో ప్రేక్షకుల నుంచి వస్తున్న స్పందన చూసి భావోద్వేగానికి గురైయ్యారు లోకేశ్.
"నేను ఈ స్థాయిలో ఎప్పుడూ భావోద్వేగానికి గురికాలేదు. విక్రమ్ పట్ల మీరు చూపించిన ఆదరణ మర్చిపోలేనిది. మీరు చూపించిన ఈ ప్రేమకు ఎలా రుణం తీర్చుకోవాలో తెలియట్లేదు. కమల్హాసన్ సార్కు.. ప్రజలకు కృతజ్ఞతలు." అని లోకేశ్ ట్వీట్ చేయగా.. అందుకు కమల్ రిప్లై ఇచ్చారు.
"ప్రేక్షకుల ప్రేమకు రుణం తీర్చుకోవడానికి ఒక్కటే దారి ఉంది. నువ్వు ఎప్పుడూ నీ పనిపట్ల సంతృప్తి పడకు. ప్రతీసారి నిజాయతీగా మరింత కష్టపడు. దాని ఫలితమే వాళ్ల ఆదరణ, ప్రేమ. నా శక్తి కూడా వాళ్లే. రాజ్కమల్ నిర్మాణ సంస్థ నీకు ఎప్పుడూ అండగా ఉంటుంది."