మెగా పవర్ స్టార్ రామ్ చరణ్ హీరోగా స్టార్ డైరెక్టర్ శంకర్ రూపొందిస్తున్న చిత్రం 'ఆర్సీ15'. ప్రస్తుతం ఈ సినిమా కొత్త షెడ్యూల్ న్యూజిలాండ్లో జరుగుతోంది. చరణ్ షూటింగ్లో బిజీగా ఉన్నా.. కొంత సమయం తీసుకుని ఆ దేశాన్ని చుట్టేస్తున్నారు. 'ఆర్ఆర్ఆర్' ప్రమోషన్లో భాగంగా జపాన్ వీధుల్లో దిగిన త్రోబ్యాక్ ఫొటోలు షేర్ చేశారు రామ్ చరణ్. 'ఇంకా జపాన్ ఆలోచనల్లోనే ఉన్నాను' అనే క్యాప్షన్ను జోడించారు. ఈ ఫొటోలు సోషల్ మీడియాలో వైరల్ అయ్యాయి. ఈ పోస్ట్ను బాలీవుడ్ అందాల తార కత్రినా కైఫ్ లైక్ చేసింది. కాగా కొత్త లుక్స్లో కనిపిస్తున్న చరణ్.. అభిమానుల్లో జోష్ నింపుతున్నాడు.
'ఆర్సీ15'ను పొలిటికల్ థ్రిల్లర్గా భారీ బడ్జెట్తో తెరకెక్కిస్తున్నారు. శ్రీ వెంకటేశ్వర క్రియేషన్స్ బ్యానర్‌పై రూపొందుతున్న ఈ సినిమాను దిల్ రాజు నిర్మిస్తున్నారు. పూర్తిస్థాయి రాజకీయ కోణంలో సాగే కథ ఇది. ఇక ఈ సినిమాలో రామ్ చరణ్ సరసన కియారా అడ్వాణీ ఆడిపాడనుంది. శ్రీకాంత్‌, అంజలి, నవీన్ చంద్ర ముఖ్య భూమికలు పోషిస్తున్నారు.