కలెక్షన్స్​లో దూసుకెళ్తున్న కార్తికేయ 2, దర్శకుడికి బిగ్​బీ సర్​ప్రైజ్​

'కార్తికేయా 2' సక్సెస్​ను ఆస్వాదిస్తున్న మూవీటీమ్​కు మరో మరపురాని సంఘటన ఎదురైంది. సినిమా వీక్షించిన బాలీవుడ్ దిగ్గజ నటుడు అమితాబ్​ బచ్చ్​ను చిత్రబృందంపై ప్రశంసలు కురిపించారు. దర్శకుడు చందూ మొండేటిని ప్రత్యేకంగా ఆహ్వానించి అభినందించారు. దీనికి సంబంధించిన ఫొటో నెట్టింట్లో వైరల్​గా మారింది.

నిఖిల్‌ కథానాయకుడిగా చందూ మొండేటి తెరకెక్కించిన సస్పెన్స్‌ థ్రిల్లర్‌ 'కార్తికేయ 2'. ఇటీవలే ప్రపంచవ్యాప్తంగా విడుదలైన ఈ చిత్రం సూపర్​హిట్​ టాక్​ను అందుకుంది. టాలీవుడ్​ టు బాలీవుడ్​ అన్ని చోట్లా బాక్సాఫీస్​ ముందు అదిరిపోయే కలెక్షన్లను వసూలు చేస్తూ దూసుకెళ్తోంది. నార్త్​లో అయితే ఏకంగా అగ్ర కథానాయకులైన ఆమిర్​ ఖాన్ లాల్​సింగ్​ చడ్డా, అక్షయ్​కుమార్​ రక్షాబంధన్​ సినిమాలను సైతం పక్కకు నెట్టి ప్రేక్షకుల్ని థియేటర్లకు రప్పిస్తోంది.

అయితే ఈ మూవీ సూపర్​ సక్సెస్​ను ఆస్వాదిస్తున్న దర్శకుడు చందూ ముందేటికి తన జీవితంలో మరచిపోలేని మరో సంఘటన ఎదురైంది. బాలీవుడ్​ దిగ్గజ నటుడు బిగ్​ బీ అమితాబ్​ బచ్చన్​ను కలిసే అవకాశం దక్కింది.

తాజాగా బిగ్​బీ.. కార్తికేయ మూవీటీమ్​పై ప్రశంసలు కురిపించారు. స్వయంగా చందూ మొండేటిని ఆహ్వానించి అభినందించారు. సరదాగా కాసేపు ముచ్చటించారు. ఈ విషయాన్ని తెలియజేస్తూ చందూ.. అమితాబ్​తో కలిసి దిగిన ఫొటోను ఇన్​స్టాలో పోస్ట్​ చేసి ఆనందాన్ని వ్యక్తం చేశారు. "ఆ దీవెనలు!! ధన్యవాదాలు అమితాబ్​ జీ ఇది నా జీవితంలో మరచిపోలేని సంఘటన" అన్న వ్యాఖ్య రాసుకొచ్చారు. ఇప్పుడా ఫోటో సామాజిక మాధ్యమాల్లో వైరల్​ అవుతోంది. ఈ ఫొటో చూసిన నెటిజన్లు.. అమితాబ్​ కార్తికేయ 2 చిత్రాన్ని వీక్షించి ఉంటారని భావిస్తున్నారు.

ఇక కార్తికేయ 2 కలెక్షన్స్ విషయానికొస్తే.. బాక్సాఫీస్​ ముందు అదరగొడుతోంది. నార్త్​లో అయితే హిందీ చిత్రాలను పక్కకు నెట్టి మరీ మంచి వసూళ్లను అందుకుంటోంది. సినిమా సూపర్​హిట్ టాక్​ తెచ్చుకోవడం వల్ల రోజురోజు స్క్రీన్స్​ సంఖ్య కూడా పెరుగుతోంది. దీంతో మరిన్ని కలెక్షన్లు పెరుగుతూ, థియేటర్లకు ప్రేక్షకులు వచ్చే సంఖ్య పెరుగుతోంది. ఆగస్టు 13న విడుదలైన ఈ చిత్రం ఆరు రోజుల్లో ప్రపంచవ్యాప్తంగా 42.58 నుంచి 43.58 కోట్ల గ్రాస్​ అందుకుందని అంచనా. రెండు తెలుగు రాష్ట్రాల్లో ఆంధ్ర, తెలంగాణ కలిపి 24.33 కోట్ల గ్రాస్​ వసూలు చేసిందని తెలిసింది.

ఇదీ చూడండి: