Vijay Thalapathy Son : తమిళ స్టార్ హీరో విజయ్ దళపతి కుమారుడు జాసన్ సంజయ్.. సినిమా డైరెక్టర్ కానున్నాడంటూ కొద్దికాలంగా కథనాలు వస్తున్నాయి. అయితే ఈ వార్తలకు నేటితో తెరపడింది. ప్రముఖ నిర్మాణ సంస్థ 'లైకా ప్రొడక్షన్స్' బ్యానర్లో సంజయ్ (Jason Sanjay Debut).. ఓ సినిమా తెరకెక్కించనున్నారు. ఈ విషయాన్ని లైకా ప్రొడక్షన్స్.. ట్విట్టర్లో అధికారికంగా ప్రకటించింది. ఈ సినిమాను సుభాస్కరన్ రూపొందించనున్నారు. ఈ సందర్భంగా పలువురు కోలీవుడ్ సినీ ప్రముఖులు సంజయ్కు శుభాకాంక్షలు తెలుపుతున్నారు.
"నా స్ర్కిప్ట్ నచ్చి డైరెక్టర్గా నాకు ఛాన్స్ ఇచ్చిన నిర్మాత సుభాస్కరన్ సర్కు థ్యాంక్స్. నటీనటులు, సాంకేతిక నిపుణుల ఎంపిక విషయంలో చర్చలు జరుగుతున్నాయి" అని సంజయ్ తెలిపారు. సంజయ్ చెన్నైలో ఇంటర్ విద్య పూర్తి చేసి.. తర్వాత ఉన్నత విద్య కోసం కెనడా వెళ్లారు. ఫారిన్లోనే ఫిల్మ్ మేకింగ్ కోర్సు చేశాడట. అయితే తెలుగు సెన్సేషన్ హిట్ 'ఉప్పెన' సినిమా, తమిళ్ రీమేక్తో కోలీవుడ్లో సంజయ్ హీరోగా పరిచయం కానున్నారని గతంలో ప్రచారం సాగింది.
Vijay Thalapathy Leo :ఇకపోతే విజయ్ ప్రస్తుతం విక్రమ్ మూవీ ఫేమ్ డైరెక్టర్ లోకేశ్‌ కనగరాజ్‌తో 'లియో' మూవీ చేస్తున్నారు. దర్శకుడు లోకేశ్‌. ఈ సినిమాను పవర్ఫుల్ యాక్షన్ థ్రిల్లర్గా తెరకెక్కిస్తున్నారు. ఇక రీసెంట్గా ఈ సినిమా నుంచి .. యాక్షన్ కింగ్ అర్జున్ (Leo Movie Arjun Sarja)కు సంబంధించిన 'హరోల్డ్ దాస్' అనే పేరుతో గ్లింప్స్ విడుదలై ప్రేక్షకులను బాగా ఆకట్టుకుంది. అయితే ఈ గ్లింప్స్ విక్రమ్ సినిమాను గుర్తు చేస్తున్నాయని సినీప్రియులు అంటున్నారు.