Vijay Devarkonda Upcoming Movies :టాలీవుడ్ యంగ్ హీరో విజయ్ దేవరకొండ తీరిక లేకుండా వరుస సినిమా షూటింగ్లతో బిజీగా గడుపుతున్నారు. ఇటీవలే 'ఖుషి' సినిమాతో మంచి హిట్ అందుకున్న ఈ రౌడీ హీరో ప్రస్తుతం ప్రముఖ నిర్మాత దిల్రాజు నిర్మాణంలో SVC54/VD13 సినిమాలో నటిస్తున్నారు. అయితే ఈ ప్రాజెక్ట్ ఇంకా షూటింగ్ దశలో ఉండగానే 'అశోకవనంలో అర్జున కళ్యాణం' సినిమా దర్శకుడు విద్యా సాగర్ చింతాతో కలిసి మరో ప్రాజెక్ట్లో నటించేందుకు గ్రీన్ సిగ్నల్ ఇచ్చారట. ప్రస్తుతం ఈ వార్తలు ఫిల్మ్ నగర్లో చక్కర్లు కొడుతున్నాయి. ఈ సినిమాను కూడా దిల్రాజునే ప్రొడ్యూస్ చేయనున్నారట. త్వరలోనే ఈ సినిమాకు సంబంధించి అఫీషియల్ అనౌన్స్మెంట్ కూడా రానుందట.
అశోకవనంలో అర్జున కళ్యాణం'తో దర్శకుడిగా..
ఇక డైరెక్టర్ విద్యా సాగర్ చింతా సినిమాల విషయానికొస్తే.. ఈయన వెళ్లిపోమాకే (2017), ఫలక్నామా దాస్ (2019), అద్భుతం (2021) చిత్రాలకు సినిమాటోగ్రాఫర్గా పని చేశారు. ఆ తర్వాత విశ్వక్ సేన్ హీరోగా నటించిన 'అశోకవనంలో అర్జున కళ్యాణం'తో దర్శకుడిగా తెలుగు ప్రేక్షకులకు పరిచయమయ్యారు. కరోనా లాక్డౌన్ నేపథ్యంలో కంప్లీట్ ఫ్యామిలీ ఎంటర్టైనర్గా ఈ సినిమా తెరకెక్కింది. గతేడాది మేలో రిలీజైన ఈ సినిమా పాజిటివ్ రెస్పాన్స్ను దక్కించుకుంది.