టాలీవుడ్‌లో రౌడీ హీరోగా ఫేమ్ తెచ్చుకున్న సెన్సెషనల్‌ హీరో విజయ్ దేవరకొండ. గత ఐదేళ్ల నుంచి ప్రతి క్రిస్మస్‌ పండుగకు తన అభిమానులకు బహుమతులు అందిస్తున్న విషయం తెలిసిందే. ఒక్కో ఏడాది ఒక్కో కాన్సెప్ట్‌తో ఫ్యాన్స్ను సర్ప్రైజ్ చేస్తుంటారు ఈ యంగ్ హీరో. అందులో భాగంగానే ఈ సంవత్సరం కూడా ప్రత్యేకమైన థీమ్తో అభిమానులను ఖుషీ చేశారు విజయ్. దేవరశాంటా పేరుతో ఈసారి కూడా దేశాటన చేయాలని ఆసక్తి కలిగిన 100 మంది ఫ్యాన్స్ను 5 రోజుల పాటు విహార యాత్రకు పంపనున్నట్లు తెలిపారు. దీనికి సంబంధించిన పూర్తి ఖర్చులను ఈ హీరోనే భరించనున్నాడు.
గతేడాది క్రిస్మస్‌ రోజున విజయ్ తన సోషల్‌మీడియాలో మీలోని 100 మందిని హాలిడే ట్రిప్‌ పంపించాలనుకుంటున్నా. టూర్ స్పాట్ను ఎంచుకోవడంలో నాకు సలహాలు ఇవ్వండి అని కోరుతూ భారత్‌లోని పర్వతాలు, చారిత్రక ప్రదేశాలు, బీచ్‌లు, ఎడారులను సూచించారు. వీటిలో ఎక్కువ మంది దేశంలోని పర్వతాలకు ఓటు వేశారు. ఇక తాజాగా దీనికి సంబంధించిన అప్‌డేట్‌ను ఓ వీడియో రూపంలో షేర్‌ తన ట్విట్టర్ ఖాతాలో పోస్ట్ చేశారు విజయ్. ప్రస్తుతం ఈ వీడియో ట్రెండ్ అవుతోంది.