Vijay Deverakonda on Nude Photoshoot: : బోల్డ్ లుక్.. ఒకప్పుడు హీరోయిన్లు మాత్రమే పోజులు ఇచ్చేవారు. కానీ రణ్వీర్ అంతకంటే మరీ నూలు పోగు లేకుండా కనిపించి సోషల్ మీడియాను షేక్ చేశాడు. మొత్తం సినిమా ఇండస్ట్రీని ఉలిక్కిపడేలా చేశాడు. ఓ మ్యాగ్జైన్ కోసం ఇచ్చిన ఫొటోషూట్లో పూర్తిగా నగ్నంగా కనిపించి అందర్నీ ఆశ్చర్యపరిచాడు. అయితే ఇప్పుడు ఈ న్యూడ్ ఫోటో షూట్పై హీరో విజయ్ దేవరకొండ స్పందించాడు.
పూరీ జగన్నాథ్‌ దర్శకత్వం వహించిన 'లైగర్' కోసం మొదటిసారి స్క్రీన్‌ షేర్‌ చేసుకున్న.. విజయ్ దేవరకొండ, అనన్య పాండే 'కాఫీ విత్‌ కరణ్‌ షో' ఏడో సీజన్‌ నాలుగో ఎపిసోడ్లో పాల్గొన్నారు. ఈ షోలో విజయ్కు కరణ్‌ బోల్డ్ ప్రశ్నలు అడిగారు. అటు విజయ్ కూడా ఏమాత్రం తడబడకుండా అంతే బోల్డ్‌గా సమాధానాలు ఇచ్చారు.
ఇలా ర్యాపిడ్‌ ఫైర్‌ రౌండ్‌లో విజయ్‌ని కరణ్‌ అడుగుతూ.. 'ఇంటర్నేషనల్‌ మ్యాగజైన్‌కు న్యూడ్‌గా పోజ్‌ ఇస్తావా?' అని అన్నారు. వెంటనే విజయ్.. 'బాగా తీస్తే న్యూడ్‌గా పోజులివ్వడానికి ఎలాంటి అభ్యంతరం లేదు' అని చెప్పారు. ఇక 'ఇండియాలో మోస్ట్‌ డిజైరబుల్‌ ఉమెన్ ఎవరు అనుకుంటున్నావ్‌?' అని అడిగితే.. మరో ఆలోచన లేకుండా సమంత పేరు చెప్పారు విజయ్. ఇక రష్మికతో రిలేషన్‌షిప్‌ గురించి అడిగితే.. 'ఆమె స్పెషల్‌' అని అన్నారు.