Vijay Beast movie twitter review: కోలీవుడ్ స్టార్ హీరో విజయ్ నటించిన 'బీస్ట్' ఎన్నో అంచనాల నడుమ థియేటర్లలోకి వచ్చేసింది. ఈ సినిమా సోషల్మీడియాలో ఎక్కువ శాతం పాజిటివ్ టాక్తో దూసుకెళ్తోంది. కొంతమంది నుంచి మాత్రం నెగటివ్ టాక్ వినిపిస్తోంది. ఏదేమైనప్పటికీ తమ అభిమాన హీరోను తెరపై చూసేందుకు అభిమానులు హాళ్లకు పోటెత్తుతున్నారు. ముఖ్యంగా తమిళనాడు థియేటర్లు ఫ్యాన్స్తో కిక్కిరిసిపోయాయి. బాణాసంచా కాలుస్తూ సంబరాలు చేసుకుంటున్నారు. బెనిఫిట్ షోలు చూసి వచ్చిన వారు సోషల్ మీడియా వేదికగా తమ అభిప్రాయలను తెలుపుతూ సినిమాను ట్రెండ్ చేస్తున్నారు. సినిమా అదిరిపోయిందని ట్వీట్లు చేస్తున్నారు. విజయ్ ఎంట్రీ అదిరిపోయే ఫైట్తో మొదలవుతుందని చెబుతున్నారు. కథలో కొత్తదనం లేకపోయినా విజయ్ నటన, బ్యాక్గ్రౌండ్ మ్యూజిక్, సాంగ్స్ సినిమాకు హెలైట్గా నిలిచిందని అంటున్నారు. మొత్తంగా ఫస్టాఫ్ బాగా సాగిన సెకండాఫ్ పర్వాలేదనిపించిందని పేర్కొంటున్నారు.
కథేంటంటే.. వీర రాఘవ ఓ సీక్రెట్ మిషన్ను పూర్తిచేసేందుకు నగరానికి వస్తాడు. మిషన్లో భాగంగా ఓ షాపింగ్ మాల్కు వెళ్లగా.. ఆ షాపింగ్ మాల్నే టెర్రరిస్టులు హైజాక్ చేస్తారు. తమ డిమాండ్స్ తీర్చాలని ప్రభుత్వంతో చర్చలు జరుపుతారు. అంతలోనే ఆ షాపింగ్ మాల్లో ఓ సీక్రెట్ ఏజెంట్(వీర రాఘవన్) ఉన్నాడని తెలియడం వల్ల.. ప్రభుత్వం అతడి ద్వారా ఓ సీక్రెట్ రెస్క్యూ ఆపరేషన్ను మొదలుపెడుతుంది. అసలు ఆ ఉగ్రవాదుల డిమాండ్స్ ఏంటి? రాఘవన్.. టెర్రరిస్టులతో ఎలా పోరాడారు? చివరికి వారిని ఎలా మట్టుబెట్టి అక్కడి ప్రజలను కాపాడారు? అనేది కథాంశం.. అని సినిమా చూసిన వారు సోషల్మీడియాలో ట్వీట్లు చేస్తున్నారు.