విజయ్ ఆంటోనీ నటించిన 'బిచ్చగాడు' సినిమా సంచలనం సృష్టించింది. సాధారణ సినిమాగా విడుదలై 100 రోజులకు పైగా ప్రేక్షకులను అలరించింది. డిఫరెంట్ కాన్సెప్ట్తో వచ్చిన విజయ్.. బాక్సాఫీసు మందు కలెక్షన్ల వర్షం కురిపించారు. ఈ సూపర్ హిట్ చిత్రానికి సీక్వెల్గా 'బిచ్చగాడు 2' తెరకెక్కిస్తున్నారు. విజయ్ ఆంటోనీ స్వీయ దర్శకత్వంలో.. ఆయన కథానయకుడిగా నటిస్తున్న ఈ సీక్వెల్ వేసవిలో విడుదల కానుంది. ఈ సందర్భంగా చిత్ర బృందం ప్రచారాన్ని సరికొత్తగా ప్రారంభించింది. టీజర్, ట్రైలర్‌లకు భిన్నంగా.. 'స్నీక్ పీక్ ట్రైలర్' అంటూ సినిమా ఓపెనింగ్‌ సన్నివేశాన్ని విడుదల చేసింది.
'బిచ్చగాడు-2' స్నీక్ పీక్ ట్రైలర్.. బ్రెయిన్ ట్రాన్స్ప్లాంటేషన్.. కొత్త కాన్సెప్ట్..
విజయ్ ఆంటోనీ స్వీయ దర్శకత్వంలో వస్తున్న చిత్రం బిచ్చగాడు-2. పార్ట్-1 సక్సెస్తో ఉత్సాహంగా ఉన్న విజయ్.. ఈ ఏడాది సమ్మర్లో సీక్వెల్తో ప్రేక్షకుల ముందుకు వస్తున్నారు. టీజర్, ట్రైలర్కు భిన్నంగా ఈ సినిమా స్నీక్ పీక్ ట్రైలర్ను విడుదల చేసింది చిత్ర యూనిట్. ఈ ట్రైలర్ ఆద్యంతం ఉత్కంఠగా సాగింది.
Bichagadu 2 movie Sneak Peek Trailer
ఈ స్నీక్ పీక్ ట్రైలర్ ఆద్యంతం ఉత్కంఠగా సాగింది. ఎప్పుడూ ప్రయోగాలు చేయడంలో ముందు వరుసలో ఉండే విజయ్.. ఇప్పుడు మరో మెట్టు ఎక్కి ఈ చిత్రాన్ని వినూత్న కాన్సెప్ట్తో తెరకెక్కించారని తెలుస్తోంది. స్నీక్పీక్ ట్రైలర్ ప్రకారం.. 'బ్రెయిన్ ట్రాన్స్ప్లాంట్' ఆధారంగా రూపొందుతున్నట్లు కనిపిస్తోంది. చివరలో డబ్బు లోకాన్ని ఖాలీ చేస్తోంది అంటూ పవర్ ఫుల్ మెసేజ్ ఇచ్చారు. దీంతో, ఈ ట్రైలర్ సినిమాపై అంచనాలను ఒక్కసారిగా పెంచింది. అయితే, కిడ్నీ, గుండె లాంటి అవయవాలను ట్రాన్స్ప్లాంట్లు ఇప్పటికే జరుగుతున్నాయి. కానీ ఈ బ్రెయిన్ ట్రాన్స్ప్లాంట్ అనేది ప్రస్తుతం ప్రయోగాల దశలోనే ఉంది. ఇలాంటి సైన్స్ ఫిక్షన్ కథలను హాలీవుడ్లోనే ఎక్కువగా చూస్తాం. కానీ ఇప్పుడు అలాంటి కాన్సెప్ట్తోనే విజయ్ బిచ్చగాడు2 సినిమాను తెరకెక్కిస్తున్నారని తెలుస్తోంది. ఈ సినిమా గురించి పూర్తిగా తెలియాలంటే విడుదలయ్యే వరకు వేచి చూడాల్సిందే.
ఈ చిత్ర షూటింగ్ సమయంలోనే విజయ్ ఆంటోనీ గాయపడ్డారు. జనవరిలో మలేషియాలో జరిగిన బిచ్చగాడు 2 సినిమా చిత్రీకరణలో ఆయన ప్రమాదానికి గురయ్యారు. దీంతో విజయ్ దవడ, ముక్కు భాగాల్లో తీవ్ర గాయాలయ్యాయి. సర్జరీ తర్వాత తన ఆరోగ్యం నిలకడగానే ఉన్నట్లు విజయ్ తెలిపారు. కాగా, ఈ సినిమాను విజయ్ ఆంటోనీ ఫిల్మ్ కార్పోరేషన్ సంస్థ ఆధ్వర్యంలో ఫాతిమా విజయ్ ఆంటోనీ నిర్మిస్తున్నారు. కథ, దర్శకత్వం, సంగీతం, ఎడిటింగ్ విభాగాలన్నీ విజయ్ ఆంటోనీ చూసుకుంటున్నారు. ఈ చిత్రంలో కావ్య తపర్, రాధా రవి, యోగి బాబు, జాన్ విజయ్, హరిష్ పేరడి తదితరులు ప్రధాన పాత్రల్లో నటిస్తున్నారు.
Last Updated : Feb 10, 2023, 7:37 PM IST