Vijay Vamsipaidipally movie poster: కోలీవుడ్‌ ప్రముఖ నటుడు విజయ్- టాలీవుడ్‌ దర్శకుడు వంశీ పైడిపల్లి కాంబినేషన్‌లో ఓ చిత్రం రూపొందుతున్న విషయం తెలిసిందే. #Thalapathy66 అనే వర్కింగ్ టైటిల్‌తో భారీ అంచనాల నడుమ ప్రారంభమైంది చిత్రం. బుధవారం విజయ్ పుట్టినరోజు సందర్భంగా .. టైటిల్(వారిసు) సహా ఫస్ట్లుక్ను విడుదల చేసిన మూవీటీమ్.. ఇప్పుడు రెండో లుక్ను కూడా విడుదల చేసింది. ఈ సెకండ్ లుక్లో విజయ్.. పండ్లు, కూరగాయలు ఉన్న ఓ వాహనంలో చిన్న పిల్లల మధ్య స్మైలింగ్ లుక్లో అదిరిపోయారు. 'ది బాస్ రిటర్న్స్ ' అంటూ క్యాప్షన్ జోడించింది. కాగా, శ్రీ వేంకటేశ్వర క్రియేషన్స్‌ పతాకంపై దిల్‌రాజు, శిరిష్‌ సంయుక్తంగా నిర్మిస్తున్న ఈ సినిమాలో హీరోయిన్గా రష్మిక నటిస్తోంది. తమన్‌ సంగీత దర్శకుడిగా వ్యవహరిస్తున్న ఈ చిత్రం 2023 సంక్రాంతికి విడుదలకానుంది. విజయ్ నేరుగా తెలుగులో నటిస్తున్న చిత్రమిదే. ఆయన హీరోగా గతంలో తెరకెక్కిన 'తుపాకి', 'సర్కార్', 'విజిల్‌', 'మాస్టర్‌', 'బీస్ట్‌' తదితర చిత్రాలకు తెలుగులోనూ మంచి ఆదరణ దక్కింది.
విజయ్ 'వారిసు' సెకండ్ లుక్.. 'రుద్ర కాళేశ్వరుడు'గా వైష్ణవ్ తేజ్
కొత్త సినిమా అప్డేట్స్ వచ్చేశాయి. ఇందులో విజయ్ 'వారిసు' సెకండ్ లుక్, పంజా వైష్ణవ్ తేజ్ కొత్త చిత్రం ప్రకటన వివరాలు ఉన్నాయి.
Vaishnav tej new movie: 'ఉప్పెన'తో హీరోగా పరిచయమై తొలి ప్రయత్నంలోనే మంచి గుర్తింపు పొందాడు వైష్ణవ్ తేజ్. రెండో ప్రయత్నం.. 'కొండపొలం' చిత్రంతో యువతలో స్ఫూర్తినింపిన ఆయన ప్రస్తుతం 'రంగరంగ వైభవంగా' అనే సినిమాలో నటిస్తున్నారు. ఇంకా ఈ చిత్రం విడుదల కాక ముందే మరో కొత్త సినిమాకు గ్రీన్సిగ్నల్ ఇచ్చేశారు. తాజాగా దీనికి సంబంధించిన అధికార ప్రకటన వచ్చేసింది. ఓ స్పెషల్ వీడియోను రిలీజ్ చేశారు. ఇంతకముందు ఎప్పుడు చూడని మాస్ రోల్లో కనిపించబోతున్నట్లు తెలిపారు. "ఈడ ఉండేడిది రాముడు కాదప్ప ఆ రావణుడే కొలిసే రుద్ర కాళేశ్వరుడు" అంటూ వైష్ణవ్ గంభీరంగా చెప్పే డైలాగ్ అదిరిపోయింది. 2023 సంక్రాంతికి రిలీజ్ చేయబోతున్నట్లు వెల్లడించారు. త్వరలోనే షూటింగ్ ప్రారంభంకానుందని పేర్కొన్నారు. కాగా, 'పీవీటీ04'(వర్కింగ్ టైటిల్) పేరుతో రూపొందనున్న ఈ సినిమాకు శ్రీకాంత్ ఎన్ రెడ్డి దర్శకత్వం వహించారు. శ్రీలీల హీరోయిన్. పీడీవీ ప్రసాద్ సమర్పకులు. సితార ఎంటర్టైన్మెంట్స్, ఫార్టూన్ ఫోర్ సినిమాస్ సంయుక్తంగా నిర్మిస్తున్నాయి. నాగవంశీ-సాయి సౌజన్య నిర్మాతలు. ఇక వైష్ణవ్ నటించిన 'రంగరంగ వైభవంగా' గిరీశయ్య దర్శకుడు. కేతికశర్మ హీరయిన్. శ్రీ వేంకటేశ్వర సినీ చిత్ర సంస్థ నిర్మిస్తున్న ఈ సినిమాకి దేవిశ్రీ ప్రసాద్ సంగీతం అందిస్తున్నారు.
ఇదీ చూడండి: 'స్ట్రైక్ కరెక్ట్ కాదు.. సినీకార్మికుల కోసం ఏదైనా చేసేందుకు సిద్ధం'