F3 movie trailer: నవ్వులు పంచేందుకు 'ఎఫ్ 3' ఫన్ ట్రైలర్ వచ్చేసింది. 2.35 నిమిషాల నిడివి ఉన్న ఈ ప్రచార చిత్రం ఆద్యంతం నవ్వులు పూయిస్తోంది. వెంకటేష్, వరుణ్ తేజ్, తమన్నా, మెహరీన్ ప్రధాన పాత్రలు పోషించిన చిత్రమిది. "ప్రపంచానికి తెలిసిన పంచభూతాలు ఐదు. కానీ ప్రపంచానికి తెలియనిది ఒకది ఉంది. అదే డబ్బు. డబ్బు ఉన్నవాడికి ఫన్, లేనివాడికి ఫ్రస్టేషన్" అనే డైలాగ్తో ప్రారంభమైన ఈ ప్రచార చిత్రం ఆద్యంతం నవ్విస్తోంది. నత్తి పాత్రలో వరుణ్, "వాళ్లది మరాఠీ ఫ్యామిలీ అయితే మాదీ దగ్గుబాటి ఫ్యామిలీ" అంటూ వెంకీ చేసిన కామెడీ బాగుంది.
నవ్వులు పూయిస్తున్న 'ఎఫ్ 3' ఫన్ ట్రైలర్
F3 movie trailer: వెంకటేశ్, వరణ్ తేజ్ కలిసి నటించిన 'ఎఫ్ 3' ఫన్ ట్రైలర్ వచ్చేసింది. ఈ ప్రచార చిత్రం ఆద్యంతం నవ్వులు పూయిస్తోంది. దాన్ని మీరు చూసేయండి...
ఎఫ్ 3 మూవీ ట్రైలర్
గతంలో వచ్చి సూపర్ హిట్గా నిలిచిన 'ఎఫ్2'కి సీక్వెల్గా ఈ చిత్రం రూపొందింది. మొదటి పార్ట్లో ఫ్యామిలీతో కలిగే ఫ్రస్టేషన్ను చూపించగా ఈ సారి మనీతో మనుషులకు కలిగే ఫ్రస్టేషన్ను 'ఎఫ్ 3' ద్వారా చూపించనున్నారు. ఈ చిత్రం షూటింగ్ పార్ట్ ఇప్పటికే పూర్తయ్యి రిలీజ్కు సిద్ధమైంది. ఇప్పటికే విడుదలైన సాంగ్స్, మేకింగ్ వీడియోస్ కూడా సినిమాపై ఆసక్తిని పెంచాయి. ఇక ఈ సినిమాలో రాజేంద్రప్రసాద్, సునీల్, సోనాల్ చౌహాన్ ఇతర కీలక పాత్రల్లో నటించగా.. పూజాహెగ్డే స్పెషల్ సాంగ్లో చిందులేసింది. ఫన్ డైరెక్టర్ అనిల్ రావిపూడి దర్శకత్వం వహించగా.. దిల్ రాజు నిర్మించారు.
ఇదీ చూడండి: తారక్-ప్రశాంత్నీల్ సినిమా సెట్స్పైకి అప్పుడే.. రిలీజ్ డేట్ ఇదే!