'వీర‌సింహారెడ్డి' స‌క్సెస్ మీట్‌లో పాట పాడి అభిమానుల‌ను అల‌రించారు బాల‌కృష్ణ. గోపీచంద్ మ‌లినేని ద‌ర్శ‌క‌త్వంలో రూపొందిన 'వీర‌సింహారెడ్డి' సినిమా సంక్రాంతి కానుక‌గా జ‌న‌వ‌రి 12న ప్రేక్ష‌కుల ముందుకొచ్చింది. ఈ సినిమా స‌క్సెస్ మీట్‌ను ఆదివారం హైద‌రాబాద్‌లో నిర్వ‌హించారు.
ఈ స‌క్సెస్ మీట్‌లో 'మాతో పెట్టుకోకు' సినిమాలోని 'మాఘ‌మాసం ల‌గ్గం పెట్టిస్తా' అనే పాట‌ను స్టేజ్‌పై సింగ‌ర్‌తో క‌లిసి పాడారు బాల‌కృష్ణ. ఈ పాట బాలయ్య పాడాల‌ని సింగ‌ర్స్ కోర‌డంతో స్టేజ్‌పైకి ఆయన వ‌చ్చారు. వారితో క‌లిసి పాట‌ను పాడి అభిమానుల‌ను అల‌రించారు. బాల‌కృష్ణ పాట పాడిన వీడియోను వీర‌సింహారెడ్డి చిత్ర యూనిట్ సోష‌ల్ మీడియాలో షేర్ చేసింది. దీంతో ఆ వీడియో వైర‌ల్‌గా మారింది.