Varun tej Lavanya tirpathi wedding Photos Mega Heroes : మెగా ప్రిన్స్ హీరో వరుణ్ తేజ్ - హీరోయిన్ లావణ్య త్రిపాఠి పెళ్లి తంతు ముగిసింది. వేద‌మంత్రాల సాక్షిగా వైవాహిక బంధంలోకి అడుగుపెట్టారు. నవంబర్ 1వ తేదీన రాత్రి ఇటలీలోని టస్కనీలో గ్రాండ్గా వీరి వివాహం జరిగింది. దీంతో కొత్త దంపతులకు మెగా అభిమానులంతా శుభాకాంక్షలు చెబుతూ సోషల్ మీడియాలో పోస్ట్లు చేస్తున్నారు.
మెగాస్టార్ చిరంజీవి కూడా వరుణ్- లావణ్యలకు శుభాకాంక్షలు చెబుతూ ఓ ఫొటోను పోస్ట్ చేశారు. ఇందులో చిరంజీవితో పాటు పవన్ కల్యాణ్, నాగబాబు, రామ్ చరణ్, అల్లు అర్జున్, సాయితేజ్, పంజా వైష్ణవ్ తేజ్, అల్లు శిరీష్ నిలబడి ఉండగా.. వారి ముందు వరుణ్ లావణ్య పెళ్లి డ్రెస్లో కింద కూర్చొని పోజు ఇచ్చారు. అయితే వీరిలో పవన్ కల్యాణ్ - రామ్ చరణ్ మినహా మిగతా హీరోలు షేర్వానీ డ్రెస్లో సందడి చేశారు. పవన్ క్యాజువల్ టీషర్ట్ క్రీమ్ కలర్ ప్యాంట్ ధరించగా.. చరణ్ సింపుల్గా డిజైన్డ్ షర్ట్- ప్యాంట్ ధరించి కనిపించారు. మొత్తంగా అభిమానుల కోసం మెగాస్టార్ షేర్‌ చేసిన ఈ ఫోటో ప్రస్తుతం నెట్టింట్లో తెగ ట్రెండ్ అవుతోంది. భారీగా లైక్స్ వస్తున్నాయి.
ఇకపోతే ఈ వివాహ వేడుకకు వరుణ్ - లావణ్యకు చెందిన ఇరు కుటుంబ సభ్యులు, అతి తక్కువ మంది సన్నిహితులు హాజరయ్యారు. వేడుకలో మెగా- అల్లు కుటుంబాలు ధరించిన డ్రెస్సింగ్ స్టైల్ అందరినీ ఆకట్టుకుంది. అలాగే పెళ్లికి ముందు జరిగిన కాక్‌టైల్‌, మెహందీ, హ‌ల్దీ వేడుక‌ల‌కు సంబంధించిన ఫోటోలు కూడా సోషల్ మీడియాలో తెగ వైరల్‌ అవుతున్నాయి.