Ustaad Bhagat Singh Shooting : రాజకీయాలు-సినిమాలు అంటూ ఫుల్‌ బిజీగా గడుపుతున్నారు పవర్ స్టార్ పవన్‌కల్యాణ్‌. రెండిటినీ బ్యాలెన్స్ చేస్తూ కెరీర్లో ముందుకెళ్తున్నారు. ఇప్పుడు ఆయన చేతిలో దాదాపు నాలుగు సినిమాలు ఉన్నాయి. వాటిలో మూడు షూటింగ్ దశలో ఉన్నాయి. ఓజీ, హరిహర వీరమల్లు, ఉస్తాద్ భగత్సింగ్. తాజాగా ఉస్తాద్ భగత్సింగ్ సినిమాకు సంబంధించిన మరో కొత్త అప్డేట్ వచ్చింది.
Ustaad Bhagat SinghNew Poster : పవన్ కల్యాణ్ ఈ సినిమా షూటింగ్ సెట్‌లోకి అడుగుపెట్టినట్లు చిత్ర నిర్మాణ సంస్థ మైత్రి మూవీ మేకర్స్‌ ఓ సరికొత్త పోస్టర్ను రిలీజ్ చేసింది. పవన్ యాక్షన్ మూడ్లోకి వెళ్లిపోయినట్లు పేర్కొంది. పవన్పై కీలక సన్నివేశాలను చిత్రీకరించనున్నారని తెలిపింది. పవర్ ప్యాక్డ్ సన్నివేశాలను షూట్ చేయబోతున్నట్లు పేర్కొంది. పోస్టర్లో పవన్లో గన్‌ పట్టుకుని స్టైలిష్‌గా కూర్చొని సూపర్గా కనిపించారు. 'ది ఉస్తాద్ ఈజ్‌ ఇన్‌ యాక్షన్' అని మూవీటీమ్ ఓ క్యాప్షన్ రాసుకొచ్చింది.
ఈ చిత్రాన్ని పవర్‌ఫుల్‌ యాక్షన్ ఎంటర్‌టైనర్‌గా దర్శకుడు హరీశ్ శంకర్ తెరకెక్కిస్తున్నారు. 'గబ్బర్‌ సింగ్' లాంటి బ్లాక్ బస్టర్ హిట్ తర్వాత పవన్-హరీశ్ శంకర్ కాంబోలో ఈ సినిమా రానుండటం వల్ల చిత్రంపై భారీ అంచనాలు క్రియేట్ అయ్యాయి. ఈ చిత్రంలో పవన్ కల్యాణ్ మరోసారి పోలీస్‌ ఆఫీసర్ పాత్రలో కనిపించనున్నారు. హీరోయిన్గా శ్రీలీల నటించనుంది. నవాబ్ షా, అశుతోష్ రానా, గౌతమి, కేజీయఫ్ ఫేమ్ అవినాశ్, నాగా మహేశ్, నర్రా శ్రీను, టెంపర్ వంశీ సహా పలువురు నటిస్తున్నారు. మైత్రి మూవీ మేకర్స్‌ బ్యానర్ ఈ చిత్రాన్ని నిర్మిస్తోంది. రాక్ స్టార్ దేవీ శ్రీ ప్రసాద్ సంగీతం అందిస్తున్నారు. కే దశరథ్ స్క్రీన్ ప్లే అందిస్తుండగా... అయనంక బోస్ డీఓపీ.. చోటా కే ప్రసాద్ ఎడిటింగ్ బాధ్యతలు చూసుకుంటున్నారు. ప్రొడక్షన్ డిజైనర్గా ఆనంద్ సాయి వ్యవహరిస్తుండగా.. రామ్ లక్ష్మణ్ పోరట సన్నివేశాలను కొరియోగ్రఫీ చేస్తున్నారు. మొత్తంగా హైక్లాస్ టెక్నికల్ టీమ్ ఈ చిత్రం కోసం వర్క్ చేస్తోంది.
Ustad Bhagat Singh Poster : పవర్ స్టార్ ఫ్యాన్స్కు 'ఉస్తాద్' ట్రీట్.. మాస్ మేనియా పోస్టర్ అదిరిందిగా
పవన్ మళ్లీ ఏమైంది.. థాయ్లాండ్కు పవర్స్టార్.. కన్ఫ్యూజన్లో 'ఉస్తాద్' - 'ఓజీ' రిలీజ్!
