Urvasivo Rakshasivo Movie Trailer: అల్లు శిరీష్‌, అను ఇమ్మాన్యుయేల్‌ జంటగా నటించిన కొత్త చిత్రం 'ఊర్వశివో రాక్షసివో'. రాకేశ్‌ శశి దర్శకుడు. తాజాగా ఈ సినిమా ట్రైలర్‌ను చిత్రబృందం విడుదల చేసింది. మధ్య తరగతి, సంప్రదాయ కుటుంబానికి చెందిన అబ్బాయి.. ఓ ట్రెండీ అమ్మాయితో ప్రేమలో పడటం.. ఆమెను పెళ్లి చేసుకోవడానికి అతడు ఎలాంటి ఇబ్బందులు ఎదుర్కొన్నాడు అనే ఆసక్తికర అంశాలతో ఈ సినిమా సిద్ధమైనట్లు ట్రైలర్ చూస్తే తెలుస్తోంది.
శిరీష్‌, అను మధ్య వచ్చే లవ్‌ సీన్స్‌, వెన్నెల కిషోర్‌ కామెండీ టైమింగ్‌తో ఈ ట్రైలర్ ఆద్యంతం ఆకట్టుకునేలా ఉంది. "తను కొరియన్‌ వెబ్‌సిరీస్‌లా ట్రెండీగా ఉంటే నువ్వెంట్రా 'కార్తికదీపం' సీరియల్‌లో డాక్టర్‌బాబు, వంటలక్కలా పేజీలు పేజీలు డైలాగ్స్‌ చెబుతున్నావ్‌", "ఇన్ని ఈ.ఎమ్‌.ఐలు ఉన్నావాడు ఏ అమ్మాయి గురించి ఆలోచించకూడదురా. అది బేసిక్స్‌" అంటూ వెన్నెల కిషోర్‌ వేసే పంచులు నవ్వులు తెప్పించేలా ఉన్నాయి. గీతా ఆర్ట్స్‌ పతాకంపై అల్లు అరవింద్‌ సమర్పణలో ఈ సినిమా నవంబర్‌ 4న ప్రేక్షకుల ముందుకు రానుంది.