Upcoming Movies 2023 : వేసవిలో చల్లదానాన్ని ఇచ్చేందుకు ఎన్నో కూల్ మూవీస్ బాక్సాఫీస్ వద్ద పోటీ పడ్డాయి. సినీ ప్రేక్షకులను అలరించేందుకు ఎంతో ప్రయత్నించాయి. కానీ అందులోని కొన్ని సినిమాలు ఆశించిన స్థాయిలో వసూళ్లను అందించలేకపోయాయి. దీంతో ఇక రానున్న నెలల్లో కొత్త చిత్రాల కోసం సినీ అభిమానులు ఎదురుచూస్తున్నారు. ఈ క్రమంలో జూన్ నుంచి సెప్టెంబర్ వరకు థియేటర్లలో సందడి చేయనున్న సినిమాల లిస్ట్ మీకోసం..
- Adipurush Movie Release Date : జూన్ రెండో వారంలో రెండు సినిమాలు పోటీ పడేందుకు సిద్ధంగా ఉన్నాయి. జూన్ 15న హాలీవుడ్ మూవీ 'ప్లాష్' రిలీజౌతుండగా.. మరుసటి రోజు మైథలాజికల్ మూవీ 'ఆదిపురుష్' విడుదల కానుంది. ఈ రెండు సినిమాలు ఇండియాతో పాటు ఓవర్సీస్లోనూ సందడి చేసేందుకు సిద్ధమయ్యాయి. విదేశాల్లో ఈ రెండు సినిమాలకు అడ్వాన్స్ బుక్కింగ్స్ కూడా మొదలయ్యాయి.
- SPY Movie Release Date : అదే నెల ఆఖరి వారంలో నిఖిల్ నటించిన టాలీవుడ్ మూవీ 'స్పై' విడుదల కానుంది. స్వాతంత్ర సమరయోధుడు సుభాష్‌ చంద్రబోస్‌ మరణం వెనుక దాగున్న మిస్టరీని ఆధారంగా రూపొందుతోన్న ఈ సినిమా జూన్ 29న తెలుగు, హిందీ, తమిళం, కన్నడ, మలయాళ భాషల్లో ప్రేక్షకుల ముందుకు రానుంది.
- BRO Movie Release Date : పవర్ స్టార్ పవన్ కల్యాణ్, సుప్రీమ్ హీరో సాయి ధరమ్ తేజ్ కాంబోలో వస్తున్న మూవీ 'బ్రో'. తమిళ దర్శకుడు సముద్రఖని తెరకెక్కిస్తున్న ఈ సినిమా జూలై 28న విడుదలయ్యేందుకు సిద్ధంగా ఉంది.