మెగా కోడలి గొప్ప మనసు.. 150 వృద్ధాశ్రమాలకు ఆర్థిక సాయం!

Upasana Old Age Homes: మెగా కోడలు ఉపాసన.. వృద్ధాశ్రమాలకు చేసే సేవా కార్యక్రమాల గురించి ఓ వార్త బయటకు వచ్చింది. ఆమె దాదాపు 150 ఓల్డ్ ఏజ్ హోమ్‌లకు ఆర్థిక సాయాన్ని అందిస్తున్నట్టు తెలుస్తోంది.

Upasana Old Age Homes: మెగా ఇంటి కోడలిగా ఓ మంచి గుర్తింపును సంపాదించుకున్నారు ఉపాసన కొణెదల. అపోలో హాస్పిటల్స్ పనుల్లో ఎంత బిజీగా ఉన్నా కూడా మెగా ఈవెంట్లలో మెరుస్తుంటారు. ఇక అవే కాకుండా ఉపాసన సామాజిక కార్యక్రమాల్లో ముందుంటారు. మూగజీవాల పరిరక్షణకూ పాటు పడుతుంటారు. ఆ మధ్య సోషల్ మీడియా వేదికగా ఆరోగ్య చిట్కాలను చెప్పుకొచ్చారు. ఆ తరువాత కరోనా సమయంలోనూ ఎంతో మందికి ప్రత్యక్షంగా పరోక్షంగా సాయం చేశారు. అయితే ఇప్పుడు మెగా కోడలు చేస్తున్న ఓ మంచి పని గురించి వార్త బయటకు వచ్చింది.

వృద్ధులతో ఉపాసన

ఉపాసన దాదాపు 150 ఓల్డ్​ ఏజ్​ హోమ్‌లకు సాయం చేస్తున్నారని తెలుస్తోంది. 'బిలియన్ హార్ట్స్ బీటింగ్' అనే ఫౌండేషన్‌తో కలిసి ఉపాసన ఈ గొప్ప కార్యక్రమాన్ని చేస్తున్నారు. తాజాగా వృద్ధులతో కలిసి సంతోషంగా సమయాన్ని గడుపుతున్న ఉపాసన ఫొటోలు నెట్టింట్లో చక్కర్లు కొడుతున్నాయి. ఇక ఉపాసన అలవాట్ల విషయానికొస్తే.. ఆమె ఎక్కువగా సినిమాలు చూడరు. కాకపోతే తన భర్త రామ్​చరణ్ చిత్రాలను ఓ అభిమానిలా ఫస్ట్ డే ఫస్ట్ షో చూస్తుంటారు. ఇక అప్పుడప్పుడు చెర్రీ షూటింగ్స్​కు కూడా వెళ్తుంటారు. ఇక 'ఆర్ఆర్ఆర్' సినిమా ఫస్ట్ డే ఫస్ట్ షోలో ఉపాసన చేసిన హంగామా అంతా ఇంతా కాదు. గాల్లోకి పేపర్లు ఎగిరేస్తూ రామ్​చరణ్‌ను చూస్తూ మురిసిపోయారు.

'బిలియన్ హార్ట్స్ బీటింగ్' ఫౌండేషన్‌తో ఉపాసన

ఇదీ చదవండి:మళ్లీ మొదలైన ప్రభాస్​ 'ప్రాజెక్ట్​ కె' షూటింగ్​