బాలీవుడ్లో విషాదం జరిగింది. మరాఠీ బుల్లితెర నటి తునీషా శర్మ(21) ఆత్మహత్యకు పాల్పడింది. ఈ ఘటన మహారాష్ట్రలోని పల్ఘర్ జిల్లాలో జరిగింది. సీరియల్ షూటింగ్ జరుగుతున్న సెట్లో టాయిలెట్లోకి వెళ్లిన తనీషా.. ఎంతకూ బయటకు రాలేదు. దీంతో తలుపు పగలగొట్టి చూడగా ఫ్యాన్కు వేలాడుతూ కనిపించింది. వెంటనే ఆస్పత్రికి తరలించగా.. అప్పటికే మరణించిందని వైద్యులు ధ్రువీకరించారు. కాగా, ఘటనపై వాలివ్ పోలీసులు కేసు నమోదు చేసుకున్నారు. ఘటనా స్థలంలో సూసైడ్ నోట్ లాంటిదేది లభించలేదని తెలిపారు. ఆత్మహత్యతో పాటు హత్య కోణంలో కూడా కేసును దర్యాప్తు చేస్తున్నట్లు పోలీసులు స్పష్టం చేశారు. తునీషా చనిపోయిన సమయంలో సెట్లో ఉన్న వారందరినీ పోలీసులు ప్రశ్నిస్తున్నారు.
బాలీవుడ్లో విషాదం.. షూటింగ్ సెట్లో టీవీ నటి ఆత్మహత్య
బాలీవుడ్లో విషాదం జరిగింది. మరాఠీ బుల్లితెర నటి తునీషా శర్మ(21) ఆత్మహత్యకు పాల్పడింది.
tv actress tunisha sharma
నటి తునీషా శర్మ.. 'అలి బాబా దస్తాన్' అనే పాపులర్ టీవీ షోలో షెహ్జాదీ మరియంగా నటించింది. 'భారత్ కా వీర్ పుత్ర- మహా రాణా ప్రతాప్' అనే చారిత్రాత్మక సీరియల్తో బుల్లితెరకు పరిచయమయింది. ఆ తర్వాత చక్రవర్తి అశోక్ సమ్రాట్, గబ్బర్ పూంచ్వాలా, షేర్-ఇ-పంజాబ్ మహారాజా రంజిత్ సింగ్, ఇంటర్నెట్ వాలా లవ్, ఇష్క్ సుభానల్లా సీరియల్స్లో మెరిసింది. టీవీ సీరియళ్లే కాకుండా ఫితూర్, బార్ బార్ దేఖో, కహాని 2, దుర్గ రాణి సింగ్, దబాంగ్ 3 లాంటి సినిమాల్లో నటించింది. దబాంగ్లో 3 కత్రినా కైఫ్ చిన్నప్పటి పాత్రలో నటించింది.
Last Updated : Dec 24, 2022, 8:51 PM IST