టాలీవుడ్ యంగ్ టైగర్ ఎన్టీఆర్ ప్రస్తుతం ఓ వైపు 'ఆర్ఆర్ఆర్' సక్సెస్ను ఆస్వాదిస్తూనే మరో వైపు కొరటాల దర్శకత్వంలో తెరకెక్కుతున్న 'ఎన్టీఆర్ 30' షూట్లో బిజీగా ఉన్నారు. అయితే తాజాగా ఎన్టీఆర్ బాలీవుడ్లోకి ఎంట్రీ ఇవ్వనున్నారన్న వార్తలు నెట్టింట తెగ హల్చల్ చేస్తోంది. అయితే సినీ వర్గాల సమాచారం ప్రకారం ఆ వార్త నిజమేనట. ఆయన బాలీవుడ్లోకి త్వరలోనే ఎంట్రీ ఇవ్వనున్నారట. అదీ కూడా బ్లాక్ బస్టర్ హిట్ అయిన 'వార్' సినిమా సీక్వెల్లో కనిపించనున్నారట. ఈ విషయాన్ని బాలీవుడ్ క్రిటిక్ తరణ్ ఆదర్శ్ ట్విట్టర్ వేదికగా తెలిపారు.
వార్ సినిమా మొదటి భాగంలో హృతిక్ రోషన్, టైగర్ ష్రాఫ్ కీలక పాత్రలు పోషించారు. ఆ సినిమలో వీరిద్దరి మధ్య భారీ యాక్షన్ సీన్స్ తెరకెక్కాయి. అయితే ఇద్దరూ పోటా పోటీగా నటించినప్పటికీ.. చివరకి, టైగర్ ష్రాఫ్ క్యారెక్టర్ మరణించినట్టు చూపించారు. అయితే అప్పట్లోనే ఆ సినిమాకు సీక్వెల్ ఉంటుందని నిర్మాణ సంస్థ యశ్ రాజ్ ఫిల్మ్స్ ప్రకటించింది. అయితే తాజాగా వచ్చిన అప్డేట్ ప్రకారం ఈ సినిమాలో యంగ్ టైగర్ మెరవనున్నారట. వీరిద్దరి మధ్య భారీ యాక్షన్ సన్నీవేశాలు ఉంటాయని బాలీవుడ్ వర్గాల సమాచారం. ఇక యశ్ రాజ్ ఫిల్మ్స్ సన్నిహిత వర్గాలు తెలిపిన వివరాల ప్రకారం ఈ సినిమాలో నటించేందుకు ఎన్టీఆర్ అంగీకరించారట.