Nikhil 20 Movie : టాలీవుడ్ స్టార్ నిఖిల్ ప్రస్తుతం వరుస సినిమాలతో బిజీగా ఉన్నారు. ఇప్పటికే రామ్చరణ్ నిర్మాణంలో వస్తున్న ద ఇండియా హౌస్తో పాటు స్పై సినిమాలకు సైన్ చేసిన ఆయన ఇప్పుడు తన 20వ సినిమా గురించి ఓ క్రేజీ అనౌన్స్మెంట్ ఇచ్చారు. తన బర్త్డే సందర్భంగా మూవీ టీమ్ రిలీజ్ చేసిన పోస్టర్తో ఫ్యాన్స్ను సర్ప్రైజ్ చేశారు. అందులో ఆయన యుద్ధ భూమిలో శత్రువులతో పోరాడుతున్న యోధుడిలా కనిపించారు.
భరత్‌ కృష్ణమాచారి దర్శకత్వంలో తెరకెక్కుతున్న ఈ సినిమాకు 'స్వయంభూ' అనే టైటిల్‌ను ఖరారు చేశారు. పోస్టర్ను చూస్తుంటే ఇదొక సోసియో ఫాంటసీ చిత్రంగా తెరకెక్కుతున్నట్లు తెలుస్తోంది. స్వయంభూ అంటే స్వయంగా ఉద్భవించినదని అర్థం. ఇందులో నిఖిల్ పొడవాటి జుట్టు, ఒక చేతిలో ఆయుధం, మరొక చేతిలో డాలుతో సరికొత్త అవతారంలో దర్శనమిచ్చారు. ఆయన గెటప్, మేకోవర్ కొత్తగా ఉందంటూ ఫ్యాన్స్ అభిప్రాయపడుతున్నారు. ఈ ఒక్క లుక్తోనే సినిమాపై ఎన్నో అంచనాలు పెరిగిపోయాయి అంటూ సోషల్ మీడియాలో కామెంట్లు పెడుతున్నారు.
మరోవైపు ఇది నిఖిల్కు 20వ సినిమా కాగా.. ఆయన కెరీర్‌లోనే అత్యంత భారీ బడ్జెట్తో రూపొందుతున్న చిత్రమిది. అత్యుత్తమ సాంకేతిక ప్రమాణాలతో తెరకెక్కనున్న ఈ సినిమా షూటింగ్ ఆగస్టు నుంచి ప్రారంభమవుతుంది అని సినీ వర్గాలు తెలిపాయి. కాగా ఠాగూర్‌ మధు సమర్పణలో భువన్‌, శ్రీకర్‌ సంయుక్తంగా నిర్మిస్తున్న ఈ సినిమాకి రవి బస్రూర్‌ మ్యూజిక్ను అందిస్తున్నారు. మనోజ్‌ పరమహంస సినిమాటోగ్రాఫర్గా వ్యవహరిస్తున్నారు.
నిఖిల్ ప్రస్తుతం మంచి ఫామ్లో ఉన్నారు. అసిస్టెంట్ డైరెక్టర్గా కెరీర్ను ప్రారంభించిన నిఖిల్.. 'హ్యాపీడేస్' సినిమాతో సినీ తెరంగేట్రం చేశారు. ఈ సినిమాలో తన క్యారెక్టర్కు మంచి గుర్తింపు వచ్చింది. దీంతో ఆయన ఆ తర్వాత యూత్ రిలేటడ్ రోల్స్లో కనిపించారు. అలా వరుస సినిమాలు చేసినప్పటికీ అవన్నీ బాక్సాఫీస్ వద్ద అంతగా ఆడలేదు. నటుడిగా తనకు మంచి గుర్తింపు కూడా తెచ్చిపెట్టలేదు. దీంతో ఫామ్ కోల్పోయిన నిఖిల్కు 2014లో వచ్చిన 'కార్తికేయ' హిట్తో బ్రేక్ వచ్చింది. ఆ సక్సెస్ను ఆస్వాదిస్తూ ఈ యంగ్ హీరో.. ఆ తర్వాత అవకాశాలను అందిపుచ్చుకుని మంచి నటుడిగా ప్రేక్షకులను చేరువయ్యారు. అప్పటి వరకు సౌత్ స్టార్స్కు పోటీ ఇస్తూ వచ్చిన నిఖిల్.. 2022లో చందూ మొండేటి దర్శకత్వంలో వచ్చిన 'కార్తికేయ 2'తో నార్త్ ప్రేక్షకులకు పరిచమై అక్కడి బాక్సాఫీస్లను సైతం షేక్ చేశారు. దీంతో ఈయనతో సినిమాలు తీసేందుకు దర్శక నిర్మాతలు సైతం ఆసక్తి కనబరుస్తున్నారు. ఇప్పుడు వరుస పాన్ ఇండియా ప్రాజెక్టులతో మరోసారి ఆడియన్స్ను అలరించేందుకు ముందుకు రానున్నారు.
