పవర్ స్టార్ ప‌వ‌న్‌క‌ల్యాణ్, సాయి ధ‌ర‌మ్‌తేజ్ హీరోలుగా నటించబోతున్న సినిమా షూటింగ్ ప్రారంభంపై క్లారిటీ వచ్చేసింది. జులై 12న సినిమా ప్రారంభోత్సవం ఉండనుంది. స‌ముద్ర‌ఖ‌ని, తంబిరామ‌య్య ప్ర‌ధాన పాత్ర‌ల్లో త‌మిళంలో రూపొందిన 'వినోదయ సీత‌మ్' చిత్రం.. తెలుగులో పవన్ కల్యాణ్ - సాయిధరమ్ తేజ్ కాంబినేషన్లో రీమేక్ కాబోతోంది. మామ అల్లుళ్ల క‌ల‌యిక‌లో రూపొంద‌నున్న తొలి 'మెగా' సినిమా ఇదే కావ‌డం వల్ల అభిమానుల్లో ఆస‌క్తి మొద‌లైంది. ఇదిలా ఉంటే.. ఈ సినిమాకు స‌ముద్ర‌ఖ‌ని దర్శకత్వం వహించబోతున్నట్లు సమాచారం.
సూపర్ స్టార్ మహేశ్ బాబు ఫ్యామిలీతో కలిసి వెకేషన్‌‌కు అమెరికాకు వెళ్లారు. ఈ క్రమంలో అక్కడ మహేశ్, నమ్రత దంపతులు ప్రపంచ కుబేరుడు బిల్గేట్స్ను కలిశారు. ఈ ఫొటోలను మహేశ్ ట్విట్టర్లో పోస్ట్ చేయగా.. వైరల్ అయ్యింది. అయితే మహేశ్ చేసిన ట్వీట్కు బిల్గేట్స్ స్పందించారు. రీట్వీట్ చేశారు. అయితే బిల్గేట్స్ అంతటితో ఆగకుండా.. తన ట్విట్టర్ హ్యాండిల్‌లో మహేశ్ బాబును ఫాలో అవుతున్నారు. ఈ క్రమంలో మహేశ్బాబు కూడా బిల్గేట్స్ ట్విట్టర్ను ఫాలో అవుతున్న నేపథ్యంలో.. ఇది కూడా వైరల్గా మారింది.