Spy Movie Twitter Review : యంగ్ అండ్ డైనమిక్ హీరో నిఖిల్ సిద్ధార్థ్ ప్రస్తుతం మంచి ఫామ్లో ఉన్నారు. 'కార్తికేయ 2' సక్సెస్ తర్వాత ఈ స్టార్ హీరో మంచి అవకాశాలను అందిపుచ్చుకుంటూ దూసుకెళ్తున్నారు. చేతినిండా భారీ ప్రాజెక్టులతో బిజీగా ఉన్న ఈ స్టార్.. గురువారం 'స్పై'గా ప్రేక్షకుల ముందుకొచ్చారు. యాక్షన్ థ్రిల్లర్గా రూపొందిన ఈ సినిమాతో ప్రేక్షకులకు ఓ కొత్త అనుభూతినిచ్చేందుకు సిద్ధమయ్యారు. ఈ క్రమంలో ప్రీమియర్స్ చూసిన ప్రేక్షకులు తమ అభిప్రాయాలను ట్విట్టర్ ద్వారా వెల్లడించారు.
Nikhil Spy Review : పాన్ ఇండియా లెవెల్లో గ్రాండ్గా రిలీజైన ఈ సినిమా ప్రస్తుతం పాజిటివ్ టాక్ను అందుకుంటోంది. ముఖ్యంగా ఈ సినిమా స్టోరీ లైన్ బాగుందని అంటున్నారు. ఇప్పటివరకు ఎవరూ తెరకెక్కించని ఓ విభిన్నాంశాన్ని దర్శకుడు చిత్రీకరించిన తీరు బాగుందని కితాబులిస్తున్నారు. నేతాజీ ఫైల్స్ చుట్టు తిరిగే కథ ఆసక్తికరంగా ఉందని.. అదే ఎప్పటికప్పుడు ఆడియన్స్లో సస్పెన్స్ను పెంచుతూ వచ్చిందని అంటున్నారు. కానీ వాటికి తగ్గట్టుగా యాక్షన్ సీన్స్లో కాస్త క్వాలిటీ పెంచితే బాగుండేది అని అభిప్రాయపడుతున్నారు. రా ఏజెంట్గా నిఖిల్ యాక్షన్ అద్భుతంగా ఉందని.. అలాగే యాక్షన్ సీన్స్ కూడా బాగున్నాయని టాక్. ఇక సినిమాటోగ్రఫీ, డైరెక్షన్ కూడా అదిరిపోయాయని కామెంట్లు పెడుతున్నారు.