టాలీవుడ్ హీరో అక్కినేని అఖిల్ లీడ్ రోల్లో తెరకెక్కిన సినిమా 'ఏజెంట్'.ఇన్నేళ్లు సాప్ట్ క్యారెక్టర్స్తో కనిపించిన అఖిల్.. ఈ సినిమాలో వైల్డ్ లుక్లో దర్శనమిచ్చాడు. సినిమా షూటింగ్ నుంచి ప్రమోషన్ల వరకు మూవీ టీమ్తో కలిసి ఎంతో శ్రమించాడు. సురేందర్‌రెడ్డి దర్శకత్వంలో స్పై థ్రిల్లర్‌గా రూపొందిన ఈ సినిమా శుక్రవారం గ్రాండ్గా రిలీజ్ అయింది. తమిళంతో పాటు రిలీజైన అన్నీ భాషల్లోనూ సంచలనం సృష్టించిన మణిరత్నం మూవీ పొన్నియన్ సెల్వన్కు సీక్వెల్గా తెరెక్కెక్కిన పీఎస్ 2 కూడా శుక్రవారమే ప్రేక్షకుల ముందుకు వచ్చింది. ఈ క్రమంలో ఇప్పటికే ప్రీమియర్ షోలు చూసిన అభిమానులు ఈ సినిమాల గురించి ట్విట్టర్ వేదికగా చర్చించుకుంటున్నారు. ఇంతకీ వారు ఏమంటున్నారంటే?
అఖిల్ కెరీర్లో బ్రేక్ ఇచ్చేలా తెరకెక్కిన స్పై థ్రిల్లర్ 'ఏజెంట్' సినిమాలో మలయాళ మెగాస్టార్ మమ్ముట్టి కీలక పాత్ర పోషించారు. ఇక ఈ సినిమాలో అఖిల్ సరసన కొత్త హీరోయిన్ సాక్షి వైద్య నటించింది. శుక్రవారమే గ్రాండ్గా ఈ సినిమా రిలీజైంది. 'రా' ఏజెన్సీని బేస్ చేసుకుని సాగే సినిమాలా కనిపిస్తోంది. రా ఆఫీసర్‌ అయిన మమ్ముట్టి ఓ మాఫియా ముఠాని పట్టుకోవడంలో విఫలమైతే, వాళ్లని పట్టుకోవడానికి మనం కాదు, అందుకు అఖిలే సరైన వ్యక్తి అని భావించి.. ఆ ఆపరేషన్‌ ఏజెంట్‌ని అఖిల్‌కు అప్పగిస్తారు. దీంతో అఖిల్.. ఆ ముఠాను ఎలా పట్టుకున్నాదన్నదే మిగతా కథ.
ఇప్పటికే సినిమాను చూసిన అభిమానులు దీనిపై మిశ్రమంగా స్పందిస్తున్నారు. యాక్షన్‌ బ్లాక్స్, ప్రొడక్షన్‌ బాగున్నాయని అన్నారు. అఖిల్ యాక్షన్‌ పరంగా మెప్పించాడని, కానీ నటనతో అంతగా ఆకట్టుకోలేకపోయాడని అంటున్నారు. సినిమా మొదటి భాగం కొంత ఫర్వాలేదన్నట్లుగా ఉందని టాక్. కానీ సెకండాఫ్‌ మాత్రం అభిమానులను కాస్త నిరాశ పరిచిందట. అఖిల్‌లో ఎనర్జీ ఉన్నప్పటకీ సరైన సీన్లు, స్టోరీ పడటం లేదని అభిప్రాయపడుతున్నారు.