టాలీవుడ్​లో విషాదం.. ప్రముఖ నిర్మాత మృతి

Producer Narayan Das Narang died: నిర్మాత, డిస్ట్రిబ్యూటర్, మూవీ ఫైనాన్షియర్‌గా సినీపరిశ్రమకు సేవలందించిన తెలుగు చలనచిత్ర వాణిజ్య మండలి అధ్యక్షుడు నారంగ్(78) తుదిశ్వాస విడిచారు.

Producer Narayan Das Narang died: తెలుగు చలన చిత్ర వాణిజ్య మండలి అధ్యక్షుడు నారాయణదాస్ కె.నారంగ్ కన్నుమూశారు. 78 ఏళ్ల వయస్సున్న ఆయన కొంత కాలంగా అనారోగ్యంతో బాధపడుతూ హైదరాబాద్​లోని స్టార్ ఆస్పత్రిలో చికిత్స పొందుతున్నారు. ఈ నేపథ్యంలోనే ఆయన తుదిశ్వాస విడిచారు. కాగా, టాలీవుడ్​లో ఎనలేని గుర్తింపు తెచ్చుకున్న నారంగ్​ హఠాన్మరణం పట్ల చిత్ర పరిశ్రమ దిగ్భ్రాంతి వ్యక్తం చేసింది. పలువురు సినీ ప్రముఖులు, నిర్మాతలు, పంపిణీదారులు ఆయన కుటుంబానికి సానుభూతి తెలుపుతున్నారు.

ఏషియన్ సంస్థల అధినేతగా, నిర్మాతగా, డిస్ట్రిబ్యూటర్​గా, ఫైనాన్షియర్​గా సినీ పరిశ్రమతో సుదీర్ఘకాలంగా అనుబంధం ఉన్న నారాయణదాస్ నారంగ్... ఇటీవల శ్రీ వేంకటేశ్వర బ్యానర్‌లో నాగచైతన్యతో 'లవ్ స్టోరీ', నాగశౌర్యతో 'లక్ష్య' సినిమాలను నిర్మించారు. ప్రస్తుతం నాగార్జున కథానాయకుడిగా ప్రవీణ్ సత్తార్ దర్శకత్వంలో 'ఘోస్ట్' అనే చిత్రంతోపాటు తమిళ నటుడు ధనూష్​తో శేఖర్ కమ్ముల దర్శకత్వంలో మరో చిత్రాన్ని నిర్మిస్తున్నారు.

ఇదీ చూడండి: ఈ వారం థియేటర్​/ఓటీటీలో రిలీజ్​ అయ్యే చిత్రాలివే!