ఆర్ఆర్ఆర్ చిత్రం ఆస్కార్కు అడుగుదూరంలో నిలబడంపై భారతీయ చిత్ర పరిశ్రమ ఉప్పొంగిపోతోంది. నాటు నాటు పాట తుది జాబితాలో చోటు దక్కించుకోవడం పట్ల సర్వత్రా హర్షం వ్యక్తమవుతోంది. నాటునాటు పాటకు తన హృదయంలో ఎప్పటికి ప్రత్యేక స్థానం ఉంటుందని ఎన్టీఆర్ పేర్కొంటూ ఆనందం వ్యక్తం చేశారు. ఆస్కార్కు నామినేట్ అవడం దేశానికే కాదు తనకూ గొప్ప అనుభూతిని కలిగించిందని చరణ్ ట్వీట్ చేశారు. నాటు నాటు పాట నామినేట్ కావడం పట్ల చిత్ర బృందమంతా అవార్డుకు అర్హులం అనిపించుకున్నామని చరణ్ తెలిపారు.
నాటునాటు పాటకు నృత్యరీతులు సమకూర్చిన ప్రేమ్ రక్షిత్ మాస్టర్ ఆ పాటకు ఆస్కార్ వేదికపై తారక్, చరణ్లు డ్యాన్స్ చేస్తారని, తన ఆనందానికి అవధులు లేకుండా పోయానని తెలిపారు. అడుగు దూరంలో ఉన్న ఆస్కార్ ఆర్ఆర్ఆర్ చేతికి అందేలా అందరూ ప్రార్థించాలని, కోట్లాది మంది ప్రజల ఆకాంక్ష మార్చి 12న నెరవేరుతుందని మెగాస్టార్ చిరంజీవి హర్షం వ్యక్తం చేశారు.
"నాటు నాటు పాట ఆస్కార్కు నామినేట్ కావడం ఆనందదాయకం. ఆర్ఆర్ఆర్ చిత్ర బృందానికి నా అభినందనలు. ఆల్ దట్ బ్రీత్స్, ది ఎలిఫెంట్ విస్పరర్స్ చిత్ర బృందాలకు అభినందనలు"