Raviteja Tiger Nageswarao Teaser : మాస్ మహారాజా రవితేజ నటిస్తున్న సినిమా 'టైగర్ నాగేశ్వరరావు'. భారీ బడ్జెట్‌తో తెరకెక్కుతున్న ఈ పాన్ ఇండియా మూవీ టీజర్‌ను మూవీ మేకర్స్.. గురువారం రిలీజ్ చేశారు. ఈ సినిమాలో టైగర్ నాగేశ్వరరావు చాలా తెలివైన వాడని చూపించారు. ఇప్పటికే రిలీజైన పోస్టర్లు అభిమానులను విపరీతంగా ఆకట్టుకోగా.. ఇప్పుడు ఈ టీజర్ అంచనాలను రెట్టింపు చేసింది. కాగా ఈ చిత్రాన్ని దర్శకుడు వంశీ.. స్టువర్టుపురం టైగర్ నాగేశ్వరరావు బయోపిక్ ఆధారంగా తెరకెక్కిస్తున్నారు. అయితే డైరెక్టర్గా వంశీకి ఇదే తొలి సినిమా కావడం విశేషం.
హైదరాబాద్, ముంబయి, దిల్లీ నగరాల్లో దారుణంగా దోపిడీలు చేసిన స్టువర్టుపురం దొంగ మద్రాస్ సెంట్రల్ జైలు నుంచి తప్పించుకున్నాడు అంటూ టీజర్ ప్రారంభమౌతుంది. నాగేశ్వర్రావు పాలిటిక్స్లోకి వెళ్లి ఉంటే తెలివితేటలతో ఎలక్షన్ గెలిచేవాడు. స్టోర్ట్స్లోకి వెళ్లి ఉంటే .. పరుగుతో ఇండియాకు మెడల్ తెచ్చెవాడు. ఆర్మీలోకి వెళ్లి ఉంటే వాడి ధైర్యంతో ఒక యుద్ధాన్ని గెలిచేవాడు. కానీ అన్ఫార్య్చునేట్లీ వాడు ఒక దొంగ అయ్యాడంటూ.. మురళీ శర్మ ఇచ్చిన ఎలివేషన్ సినిమాపై అంచనాలు పెంచుతోంది. అలాగే పులి, సింహం లాంటి జంతువులు కూడా ఓ వయసు దాకా పాలు తాగుతాయి. కానీ వీడు (టైగర్ నాగేశ్వరరావు) ఎనిమిదేళ్లకే రక్తం తాగడం మొదలు పెట్టాడు అనే డైలాగ్ టీజర్కు హైలైట్గా నిలిచింది.