Tiger Nageswara Rao Twitter Review :మాస్ మహారాజ రవితేజ లీడ్ రోల్లో తెరకెక్కిన లేటెస్ట్ మూవీ 'టైగర్ నాగేశ్వరరావు'. స్టువర్ట్పురం నాగేశ్వర రావు జీవిత కథ ఆధారంగా రూపొందిన ఈ సినిమా నేడు (అక్టోబర్ 20)న పాన్ ఇండియా లెవెల్లో విడుదలైంది. రవితేజకు ఇదే తొలి పాన్ ఇండియా మూవీ కావడం వల్ల అభిమానుల్లో ఈ సినిమా పట్ల మరింత ఆసక్తి పెరిగింది. ఈ క్రమంలో ఇప్పటికే యూఎస్ ప్రీమియర్స్కు వెళ్లిన ఫ్యాన్స్.. సోషల్ మీడియా వేదికగా ఈ సినిమా గురించి తమ అభిప్రాయాలు చెప్పుకొచ్చారు. ఇంతకీ 'టైగర్ నాగేశ్వర రావు' ఎలా ఉందంటే..
ప్రస్తుతానికి ఈ సినిమా పాజిటివ్ టాక్ను అందుకుంటోంది. సినిమాలోని తొలి ఫైట్ సీన్.. హీరో ఇంట్రడక్షన్ సూపర్ ఉందని.. ముఖ్యంగా ట్రైన్ సీక్వెన్స్ బాగుందని ఫ్యాన్స్ అభిప్రాయపడుతున్నారు. ఇంటర్వెల్ సీన్ , రవితేజ స్క్రీన్ ప్రెజెన్స్ కూడా ఆకట్టుకుంటోందని మరో నెటిజన్ అన్నారు. సినిమాలో ఫైట్స్, జీవీ ప్రకాశ్ మ్యూజిక్ కూడా అదిరిపోయాయని ఇంకో ఫ్యాన్ కామెంట్ పెట్టారు.
మరోవైపు దర్శకుడు వంశీ ఈ సినిమాలో సెంటిమెంట్‌ను బాగా పండించారని.. సినిమా చూసిన ప్రేక్షకుడు మంచి ఫీల్‌తో బయటకు వస్తారని మరో అభిమాని తన అభిప్రాయాన్ని తెలియజేశారు. ఎలివేషన్స్, యాక్షన్, ఎమోషన్స్‌ను కూడా దర్శకుడు బ్యాలెన్స్ చేశారని మరో ఫ్యాన్ అన్నారు. ఇక బీజీఎం, ప్రొడక్షన్ వ్యాల్యూస్ కూడా బాగున్నాయని అంటున్నారు. సెకండాఫ్‌లో కొన్ని లోపాలు ఉన్నాయని.. అయినప్పటికీ ఈ సినిమా తప్పకుండా బ్లాక్ బస్టర్ అవుతుంది అని నెటిజన్ కామెంట్ చేశారు.