Tiger Nageswara Rao Openings : టాలీవుడ్ మాస్ హీరో రవితేజ నటించిన కొత్త చిత్రం 'టైగర్ నాగేశ్వరరావు' మరో ఐదు రోజుల్లో గ్రాండ్గా రిలీజయ్యేందుకు రెడీ అయింది. అక్టోబర్ 20న ప్రేక్షకుల ముందుకు రానుంది. అయితే ఈ చిత్రానికి ఒక రోజు ముందే బాలకృష్ణ భగవంత్ కేసరి, దళపతి విజయ్ లియో పోటీగా రానున్నాయి.
ఈ చిత్రం రవితేజ కెరీర్లోనే బెస్ట్ అండ్ హైయెస్ట్ ఓపెనింగ్స్ అందుకుంటుందని ట్రేడ్ వర్గాలు అంచనా వేస్తున్నాయి. రవితేజ ఫ్యాన్స్ కూడా సినిమా పక్కా భారీ విజయాన్ని నమోదు చేస్తుందని ఆశిస్తున్నారు. ఎందుకంటే ఈ సినిమాలో రవితేజ లుక్, యాక్టింగ్ అంతా మరింత పవర్ఫుల్గా కనిపిస్తున్నాయి. అలాగే సినిమా స్టాండర్డ్స్ కూడా భారీగా ఉన్నాయి. అందుకే ఈ చిత్రంపై మంచి అంచనాలు నెలకొన్నాయి. ఈ నేపథ్యంలో రవితేజ నటించి గత చిత్రాల ఓపెనింగ్ కలెక్షన్స్ వివరాలు బయటకు వచ్చాయి.
తెలుగు రాష్ట్రాలు ఏపీ తెలంగాణలో ధమాకా రూ.4.66కోట్లు, రావణాసుర రూ.4.29కోట్లు, ఖిలాడీ రూ.4.30కోట్లు, , రామారావు ఆన్ డ్యూటీ రూ.2.82కోట్లు, క్రాక్ రూ.6.25కోట్లు, అమర్ అక్బర్ ఆంటోని రూ.3.40కోట్లు, డిస్కో రాజా రూ.2.54కోట్లు కలెక్షన్లను అందుకున్నాయి. వీటిలో క్రాక్ సినిమానే భారీ ఓపెనింగ్స్ను దక్కించుకుంది.