Tiger 3 Katrina Bath Towel Fight : సల్మాన్ ఖాన్ నటించిన 'టైగర్ 3' దీపావళికి నవంబర్ 12న హిందీ, తెలుగు సహా ఇతర భాషల్లో విడుదల కానుంది. అంటే రిలీజ్కు మరో రెండు వారాలు మాత్రమే మిగిలి ఉంది. దీంతో మూవీటీమ్... ప్రమోషన్స్పై ఫోకస్ పెట్టింది. అందుకు కావాల్సిన ప్రమోషనల్ మెటీరియల్ కంటెంట్ కూడా సిద్ధం చేసేసింది. ఇప్పటికే పలు ప్రచార చిత్రాలను రిలీజ్ చేసిన మూవీటీమ్.. సినిమాను మరింత ప్రేక్షకులకు దగ్గర చేసేలా ప్రమోషన్స్ చేయనుందట.
అందులో భాగంగా మొదట.. ఇప్పటికే ప్రేక్షకులకు బాగా కనెక్ట్ అయిన కత్రిన టవల్ ఫైట్ సీక్వెన్స్తో ప్రమోషన్ను షురూ చేసింది. ఎందుకంటే ఇప్పటికే ఇది సోషల్ మీడియాలో సెన్సేషన్ సృష్టించింది. దీన్ని చూసి నెటిజన్లు, సినీ ప్రియులు, సల్మాన్ భాయ్ అభిమానులు అంతా ఫిదా అయిపోయారు. అదిరిపోయింది సీక్వెన్స్.. ఇదొక్కటి చాలు రూ.1000కోట్లు అంటూ తెగ కామెంట్లు చేశారు.
అయితే ఈ బాత్ టవల్ ఫైటింగ్ సీక్వెన్స్లో కత్రినతో పాటు తలపడింది హాలీవుడ్ నటి మిచెల్ లీ. తాజాగా ఆమె ప్రత్యేకంగా దీని గురించి ఓ స్పెషల్ ఇంటర్వ్యూ కూడా ఇచ్చింది. ఈ సీన్ కోసం తామిద్దరం ఎంతో కష్టపడినట్లు తాజా ఇంటర్వ్యూలో చెప్పుకొచ్చింది. తామిద్దరు కలిసి రెండు వారాల పాటు ప్రాక్టీస్ చేసినట్లు చెప్పింది. బాడీ కవర్ అయ్యేలా టవల్స్ను హ్యాండిల్ చేస్తూ తలపడటం బిగ్ ఛాలెంజింగ్గా అనిపించిందని పేర్కొంది.